Во тек се номинациите за изборот и наградувањето на најдобрите е-трговци за 2023 година „E-commerce Awards 2023“, а остануваат уште 48 часа можност бесплатно да ја номинирате вашата е-продавница за да биде дел од изборот на најдобрите во македонската е-трговија со пополнување на апликација преку официјалната веб-страница www.ecommerceawards.mk
Изборот на најдобрите во македонската е-трговија го организираме по трети пат токму со цел да ја препознаеме и наградиме напорната работа на домашните е-трговци, да ја подигнеме свеста за е-трговијата и купувањето од проверени и регистрирани е-трговци во јавноста, како и да поттикнеме зголемување и унапредување на понудата во е-трговијата. Како и во претходните две години, така и оваа година имаме голем интерес за учество во изборот помеѓу најдобрите во македонската е-трговија и преку официјалната веб-страница на натпреварот веќе се имаат пријавено повеќе од 100 македонски е-трговци. По завршувањето на пријавувањето и објавувањето на номинираните е-трговци ќе следува гласање од јавноста, како и гласање од жири комисијата составена од внимателно одбрани стручни лица согласно утврдената методологија за гласање и прогласување на победниците, која е јавно објавена во рамки на Правилникот за наградите за е-трговија. Свечениот настан за доделување на наградите на најдобрите македонски е-трговци за 2023 година ќе се одржи на крајот од месец февруари 2024.
На изборот, кој традиционално се одржува по трети пат во организација на АЕТМ, ќе ги одбереме најдобрите домашни е-трговци за 2023 година, кои се натпреваруваат во 24 категории поделени во три секции: најдобри е-трговци во одбрани аспекти на онлајн продавање, најдобри е-продавници по сектори и шампиони во е-трговија. Оваа година, со цел да се опфатат уште поголем број на номинирани е-трговци, додададовме нови категории за „Најдобра достава во е-трговија“, „Најдобар е-огласник“ и „Е-продавница за различни производи“.
Дел од останатите категории за кои што можат да се номинираат е-трговците се: „Е-продавница за бела техника и електроника“, „Е-трговец со најдобра грижа за корисници“, „Е-продавница за бебешка и детска облека, опрема и играчки“, „Е-трговец со најдобро присуство на социјални медиуми“, а главната награда е резервирана за категоријата „Е-трговец на годината“. Сите категории на натпреварот се достапни на овој линк.
Како да ја номинирате вашата е-продавница?
Компаниите кои се заинтересирани да бидат дел од изборот на најдобрите во македонската е-трговија за 2023 можат да се номинираат бесплатно со пополнување на формуларот достапен на официјалната веб-страница на натпреварот: www.ecommerceawards.mk.
Процесот на номинација е едноставен, бесплатен и нуди неспоредлива можност за е-трговците да добијат признание, да ја покажат својата извонредна работа и да придонесат за развојот на просперитетниот сектор за е-трговија во Македонија.
На минатогодишниот избор за најдобрите во е-трговијата беа пријавени повеќе од 150 домашни е-трговци и беа собрани над 93.390 гласови од 6.584 гласачи од јавноста, а беа доделени вкупно 39 награди во 23 категории.
Со фазата на номинација пред самиот крај, АЕТМ ги охрабруваат сите подобни е-трговци кои сè уште не се номинирале да ја искористат оваа можност и да се пријават најдоцна до 10ти јануари 23:59 часот преку официјалната веб-страница www.ecommerceawards.mk
