Изминатиов период е навистина eventful во Big Tech: Instagram ја објави апликацијата Threads, Twitter се ребрендираше во X, а TikTok го објави својот новитет: текстуални објави.
Сега кога еден корисник на TikTok ќе тргне да направи некаква објава, ќе може да избере дали сака да сподели фотографии, видео или текст. Текстуалните објави имаат ограничување од 1.000 карактери и вклучуваат многу исти функции како видеата на TikTok, дозволувајќи им на корисниците да снимаат дуети, да додаваат звук или да ја означат нивната локација. Други карактеристики на овие објави вклучуваат стикери, ознаки на други луѓе, додавање хаштагови и шарени позадини на самите објави.
Претходно, корисниците на TikTok можеа да инкорпорираат текст во самите видео и фото објави. Па така, ова не е драстично нов сет на функции, но сепак усвојувањето и на дури мали комплети функции може да ги наведе луѓето да поминуваат дополнително време на платформата. Од друга страна, веројатно TikTok ги користи и драстичните промени, ограничувања и ребрендирањето што се случува на Twitter, како и појавата на Instagram Threads.
Додавањето на оваа нова опција за текстуални објави на TikTok не е прв пат платформата да ги развива и да дава нови опции за додавање на содржина. Минатата година, TikTok почна да им дозволува на корисниците да креираат објави засновани на фотографии, токму како што е Instagram, а нуди и и Stories, кои започна да ги тестира во 2021 година.
Post a comment