Прометот од е-трговија во Европа продолжил да расте во 2021. Од друга страна, бројот на онлајн купувачи е благо намален. По врвот кој го достигна е-трговијата во 2020, нејзиниот раст забавува и се стабилизира.
Ова се резултатите од Европскиот извештај за е-трговија за 2022 година на застапниците на индустријата EuroCommerce и E-commerce Europe. Истражувањето го спроведе Центарот за увид на пазарот на Универзитетот за применети науки во Амстердам, кој содржи податоци за 37 земји во Европа.
Забавување на растот во 2022 година
Во 2021, приходите од е-трговија во Европа пораснале за 13% на 718 милијарди евра. Стапката на раст останува стабилна, со благо зголемување во изминатата година. За 2022 година, прогнозите покажуваат континуиран нагорен тренд. Сепак, се очекува растот да се забави со стапка на раст од 11% до 797 милијарди евра.
Во 2021 приходите пораснале за 13% на 718 милијарди евра
Иако приходите пораснале, онлајн купувањата благо се намалиле во 2021. Минатата година, 73% од европските интернет корисници купувале онлајн, што е намалување од 74% во 2020 година. Според извештајот, потрошувачите се повнимателни во трошењето поради војната во Украина, инфлацијата и проблеми со синџирот на снабдување. Генерално, состојбата на е-трговијата е нешто слична на она пред пандемијата.
За прв пат, Северна Европа има најголем удел на онлајн купувачи (86%), а потоа следи Западна Европа (84%). Земја со најмногу онлајн потрошувачи е Холандија (94%), а потоа следат Данска и Шведска (и двете по 92%).
Прекуграничната е-трговија претставува 40% од купувањата
Производите кои најчесто се купуваат се облека, обувки и додатоци, што претставуваат 68% од онлајн купувањата во последните три месеци. Потрошувачите сè уште купуваат најмногу од националните продавачи (84%), додека прекуграничната е-трговија претставува 40% од купувањата.
‘Бизнисите ќе ги удвојат своите дигиталните инвестиции до 2030 година’
„Иако сè уште е тешко да се оцени, војната во Украина ќе има големи последици врз европската економија, како и врз пазарите на е-трговија“, коментира генералниот секретар Лука Касети од E-commerce Europe. „Многу од нашите членови веќе пријавија пад на куповната моќ и довербата на потрошувачите, најмногу поради високите цени на струјата, инфлацијата и неизвесноста за иднината“.
„Многу членови пријавија пад на куповната моќ и довербата на потрошувачите“
Бизнисите ќе мора да ги удвојат своите дигитални инвестиции до 2030 година, вели генералниот директор Кристел Делберге од EuroCommerce. „Да се има дигитално присуство станува прашање на опстанок за многу компании. Нашите клиенти очекуваат од нас да испорачаме беспрекорно искуство, нудејќи различни комбинации на онлајн и офлајн интеракции“.
Делберг додава: „Поддршката на дигитализацијата на малите и средните претпријатија ќе бара посветена поддршка, технички совети и градење на свеста за различните алатки за да се олесни присуството на интернет“.
Извор: Ecommerce News
