Совети од успешни жени во бизнисот

Според Институтот Петерсон, компаниите во кои жените се на лидерски позиции, континуирано  остваруваат повисоки годишни профитни маржи од оние компании каде што нема жени на лидерски позиции. Сепак, во многу индустрии, жените сè уште се задржуваат на пониски позиции поради дискриминација и нееднаквост. Па, како може да се поместат овие граници? Споделуваме совети на оваа тема од неколку познати женски бизнис лидери…

Според глобалната статистика за родовиот јаз во бизнисот, во различни индустрии, жените континуирано се платени помалку од нивните машки колеги за истиот труд, добиваат помалку можности за унапредување и се недоволно застапени на високи позиции. Додека за „обоените жени”, нееднаквоста е особено истакната.

И покрај ова, има жени пионери кои трасираат патеки и се трудат да ја срушат бариерата и да ја оживеат моќта на жената. Собравме неколку совети од најинспиративните жени претприемачи во светот и ги насочивме нивните совети и мудрости во мантри што можете да ги внесете на работното место, за да Ви помогнат да ги достигнете Вашите цели – без оглед на пречките кои ќе Ви се најдат на патот.

Just Answer the Question”: Sheryl Sandberg Discusses Breaking Up Facebook, Her Personal Legacy, and Grappling With Elizabeth Warren | Vanity Fair

1: Обидувајте се додека не успеете

 „Што би направиле доколку не се плашите?“ прашува Шерил Сандберг, американска бизнис директорка и филантроп. Со импресивно CV кое вклучува позиции како началник на кабинет во американското Министерство за финансии и главен Оперативен директор на Фејсбук, таа знае многу за постигнување на високи цели. 

И покрај нејзината амбициозност, таа верува дека жените често се воздржуваат во нивните кариери: „Ние ги намалуваме нашите сопствени очекувања за она што можеме да го постигнеме“.

За да се надмине овој начин на размислување, „жените треба да го променат размислувањето од „Не сум подготвена да го направам тоа“ во „Сакам да го направам тоа и ќе научам додека го правам“ Чувствувајќи се самоуверени или преправајќи дека се чувствувате самоуверени – тоа е неопходно за да посегнете по можностите. Тоа е клише, но ретко се нудат можности, тие треба да се зграпчат.“

Jill Biden to travel to Romania and Slovakia on mission to support Ukrainian refugees - CNNPolitics

2: Следете ја Вашата пасија

„Навистина сè започнува со обидот да дознаете што е можно повеќе за себе. За што се грижите? За што ќе се борите? Потоа, предадете и се на работата со целото срце. Преку Вашата сила и упорност, ќе успеете. – Д-р Џил Бајден, прва дама на САД.

Тие велат дека ако правиш нешто што го сакаш, нема да работиш ниту еден ден во животот. Многу успешни бизниси се раѓаат од пасија, навистина, за време на пандемијата, бранот  на нови и надежни претприемачи кои го претворија своето хоби во полноправни бизниси, зема голем замав. Но, пред да побрзате да ја напуштите Вашата работа со полно работно време за да им се придружите, прочитајте ги нашите совети за започнување бизнис со полно работно време: „Тајни за започнување на бизнис во слободно време”.

Malaville: Ethnic Dolls Bringing Diversity to Children's Toys – Aduna

3: Бидете промената што сакате да ја видите во светот

Напредокот против нееднаквоста се случува само кога оние што ја забележуваат нееднаквоста ќе направат нешто против тоа. Кога Мала Брајан, основачот на Malaville Toys, виде дека има многу малку обоени кукли на пазарот, таа не се налути, туку стана продуктивна.

„Патувањето започна кога почнав да собирам кукли; сфатив дека нешто недостасува на пазарот – повеќе „обоени” кукли. Кукли кои ги претставуваат не само „обоените” луѓе, туку и луѓето со албинизам. Едноставно чувствував дека многу од големите брендови не успеаја да разберат каква е околината и што е навистина потребно. Затоа, си презедов задолжение да видам што можам да направам за да ја пополнам таа празнина. Дизајнирам кукли врз основа на моето лично искуство и врз основа на она што го поминуваат многу луѓе како мене“.  

Оваа мантра може да ја потврди и Витни Волф Херд. Во раните дваесетти, таа ја доби импресивната улога на потпретседател на маркетинг во Tinder. Сепак, во рок од неколку години таа поднесе оставка поради обвинувањата за сексуално вознемирување против компанијата. Но, таа ги искористи своите искуства и основаше апликација за состаноци погодна за жените наречена Bumble, која постигна огромен глобален успех и проценка од 13 милијарди американски долари.

Who is Whitney Wolfe Herd? World

4: Не барајте дозвола

Можностите нема да Ви паднат во раце – мора да излезете, да ги најдете и да ги искористите. Како што вели Витни Волф Херд: „Како се однесува пчелата кралица? Како што таа сака. Но, Ве молам, не чекајте некој да Ви ја држи вратата отворена кога Вашите раце функционираат совршено – направете го тоа сами.“

Мудри совети, поддржани од Катја Бошамп, ко-основач и извршен директор на козметичкиот гигант Birchbox: „Што и да мислите дека сакате да направите, и што и да мислите дека стои помеѓу Вас и тоа, престанете да барате изговори. Можете да направите сè.“

5: Финансирање: Направете Ваше истражување

Електронската трговија го израмнува полето за игра за жените претприемачи – на крајот на краиштата, секој со пристап до интернет може да започне со интернет продажба. Сепак, сè уште постои прашањето за финансирање – и тоа е местото каде што жените се во неповолна положба.

Студијата на мали и средни компании со седиште во САД, покажа дека во 2020 година, соодносот на жени наспроти мажи успешни апликанти за бизнис заеми беше 27% наспроти 72%, додека просечната големина на заемот за бизнисите во сопственост на жени беше 33% помала од оние кои се во сопственост на мажи.

Добар совет, е да истражите некои од начините за финансирање, достапни специјално за почетни компании предводени од жени. На пример, наградите за жени во иновации со седиште во Обединетото Кралство, поддржани од владата е натпревар кој на успешните кандидати им доделува бизнис грантови и пакет за менторство и обука.

6: Учете од Вашите грешки

Патот до успехот многу ретко се одвива без предизвици, бара неограничени резерви на решителност и издржливост. Клучот е да запомните дека секоја грешка што ја правите е можност да научите и да растете. „Да се очекува дека може да се направи нешто прецизно е рецепт за разочарување. Совршенството е непријател“, вели Шерил Сандберг.

Сара Блејкли, основач на брендот за женска облека Spanx, се согласува: „Кога растевме, татко ми нѐ охрабри мене и брат ми да згрешиме. Навистина ми дозволи да бидам многу послободна во испробувањето на нови работи овозможувајќи ми да ги раширам крилјата во животот.“ Нејзиното прифаќање на неуспехот очигледно функционира: во 2012 година, таа се најде на насловната страна на магазинот Форбс како најмладата жена милијардер во светот.

Се чувствувате инспирирано? Откријте повеќе совети за деловен успех во нашиот портал: 10 начини да бидете поефективен претприемач.