Популарноста на онлајн “пазарите” се зголемува во Велика Британија

Новости во Е-трговија, Разно

Веројатноста за онлајн купувачите во Велика Британија да нарачаат производи од онлајн пазарите е четири пати поголема отколку тие да нарачаат директно од поединечни е-трговци. Над половина од 69% од купувачите кои редовно купуваат преку Интернет го прават тоа преку онлајн пазарите.

Онлајн пазарите во Европа стануваат сè попопуларни, а истото се случува и во Велика Британија. Овде, 57% од купувачите купуваат од онлајн пазари, во споредба со 13% кои нарачуваат директно од веб-страниците на поединечните е-трговци.

Потрошувачите ги привлекува широк опсег на достапни производи

Според истражувачите од Adobe ова се случува поради тоа што потрошувачите сега располагаат со повеќе време, а воедно и заради covid-ограничувањата за купување во продавница.

„Потрошувачите беа привлечени од широкиот опсег на производи, робусна инфраструктура за испорака и едноставните чекори за најавување и извршување на трансакција што ги карактеризираат онлајн пазарите“, велат од Adobe.

Во периодот помеѓу март и јуни оваа година, просечниот онлајн купувач во Велика Британија извршил 11 трансакции на онлајн пазар, а само 3 кај поединечни е-трговци.

ОНЛАЈН ПАЗАРИТЕ СЕ ИСТАКНАА СО НИВНАТА ФУНКЦИОНАЛНОСТ ПРЕД ПОЕДИНЕЧНИТЕ Е-ТРГОВЦИ

Питер Бел, маркетинг директор во Adobe, смета дека во текот на првите недели од пандемијата, онлајн пазарите биле во можност да ги надминат поединечните е-трговци и брендови. „Нивната способност за брзо извршување на трансакции и воспоставување на репутација за сигурност и безбедност ги направи да бидат првиот избор за понуда на широк спектар на производи“.

Друг интересен пронајдок од студијата е дека сега над половина од потрошувачите велат дека ќе продолжат да купуваат преку Интернет во блиска иднина, дури и кога физичките продавници повторно ќе почнат да ги отвораат своите врати.

Извор: Ecommerce News