На 6 ноември 2026 година, Тирана повторно ќе биде домаќин на AllWeb Digital Conference, која на едно место ќе собере бизнис-лидери, маркетери, претприемачи и професионалци од светот на дигиталот и технологијата.
Како партнер на конференцијата, AETM ги поканува македонските професионалци и компании да бидат дел од еднодневната конференција, која годинава во фокус ја става една тема што повеќе не може да се игнорира: влијанието на вештачката интелигенција врз бизнисот.
Прашањето што ќе се провлекува низ програмата е едноставно: Што правиме понатаму?
Од лидерство и доверба, преку маркетинг, креативност и содржина, до новите можности што ги носи AI – AllWeb 2026 ќе ги собере регионалните и меѓународните експерти за да разговараат за промените што веќе се случуваат и за тоа што тие значат за бизнисите денес.
Запознајте ги првите потврдени говорници
Првата група на говорници носи комбинација од меѓународно искуство, регионална перспектива и практично знаење од различни области на дигиталниот свет.
Todd Rowe – поранешен извршен директор во Google, Apple, Adobe и SAP. За време на неговиот ангажман во Google, тој изгради бизнис-единица која порасна од 250 милиони на 8 милијарди долари.
Kremena Yordanova – Fractional CMO, со претходно искуство во adidas и Reebok, која ќе зборува за иднината на довербата во ерата на AI.
Ivan Minić – основач на Burek.com и подкастот Pojačalo и еден од познатите регионални гласови во областа на дигиталното претприемништво.
Dr. Péter Szántó – Chief Production Officer во reel8 и добитник на признанието Forbes 30 Under 30, кој ќе се осврне на начинот на кој AI ја трансформира продукцијата на содржина.
Lisa Hogg – основач на BRAVE Amsterdam, консултантска компанија фокусирана на стратегија и одржлив раст на брендовите преку поврзување на стратегијата, одржливоста, културата и креативноста. Таа има повеќе од 20 години меѓународно лидерско искуство со глобални брендови.
Boban Ilik – Marketing Engineer и Outreach Manager во Flow Agency, B2B маркетинг агенција специјализирана за SaaS стартапи и професионални услуги. Со речиси 10 години искуство во SEO, работи на link-building стратегии и развој на интерни алатки за автоматизација на маркетинг процесите.
И ова е само почетокот. На сцената во Тирана ќе се појават повеќе од 12 говорници од Европа и регионот, а организаторите најавуваат уште имиња во програмата.
Еден ден, 12+ говорници и нови можности за networking
AllWeb 2026 е замислен како еднодневен простор за размена на знаење, идеи и искуства, но и за запознавање на луѓе од различни делови на дигиталната индустрија.
Како партнер на конференцијата, AETM обезбедува 20% попуст за македонската eCommerce заедница со кодот: emk-2026
Доколку планирате учество, попустот можете да го искористите при купување на билетот преку официјалната страница на конференцијата: allweb.digital
