Иднината на е-трговијата е испорака во истиот ден: Дали сте подготвени?

Uncategorized @mk

Уште во февруари, ако ги прашавте повеќето трговци кои управуваат со физички продавници дали сметаат дека испорака на нарачките на истиот ден е неопходна за нивниот бизнис, веројатно ќе кажеа не. Каква разлика прават шест месеци.

Сега, кога влегуваме во есента 2020 година и се осврнуваме на минатите неколку месеци, стана очигледно дека можноста да му излезете во пресрет на вашиот клиент на неговата локација е есенцијална. Всушност, во јуни 46,5 милиони домаќинства направија транзиција од традиционално купување на намирници кон онлајн купување и достава, растејќи од 39,65 милиони во март. И за трговците на мало низ разни вертикали, дали можете брзо да го доведете вашиот производ во рацете на вашиот клиент или не брзо станува важен елемент за водење бизнис.

Значи, што може да стори малопродавачот за да се обезбеди непречена транзиција од купување во продавница до онлајн шопинг и брза и сигурна испорака?

Познавајте се себеси и своите производи

Испораката на еден производ на истиот ден кога сте го нарачале не го телепортира магично вашиот производ од продавница до дома; во позадина има огромна логистика за осмислување со цел продавачот да се осигура дека производот ќе биде во рацете на купувачот на време и во одлична состојба.

Повеќе од кога било, интимното познавање на вашиот инвентар и тоа како најдобро да се справите со вашиот производ е клучно за да се обезбеди непречена транзиција до влезната врата на вашиот клиент. Потребно е многу повеќе координација и напор за да се испорача велосипед наспроти една бејзбол капа, така што едно исто решение за испорака за сите производи не е доволно. Бидете реални за тоа што бара една безбедна и ефикасна испорака и проверете дали вашиот тим може соодветно да ги задоволи потребите и временските рамки за испорака.

Остварувајте ги очекувањата и останете комуникативни

Испораката на истиот ден кога нарачката е направена е процес кој бара голем напор, но дава и голем поврат. Откако same-day испораката експлодираше на пазарот во изминатите неколку месеци, клиентите се навикнаа на одредени нивоа на услуги од трговците и имаат големи очекувања на професионализам и сигурност. Ризикот од потиснување или дури и разочарување на вашите клиенти е многу реален.

Одвојте време да се поврзете со вашите клиенти. И иако концептот „ветете помалку, остварете повеќе“ можеби не е сигурниот пат кон успехот што некогаш се претпоставуваше дека е, студијата на Нилсон за првите десет најдоверливи брендови во 2015 година откри дека нивен постојан атрибут е дека тие „остануваат доследни на ветувањата на брендот.” Откако ќе се запознаете со вашите производи и потреби за испорака, проверете дали вашите временски рамки се правилно распоредени и организирани во согласност со очекувањата со вашите клиенти, така што тие ќе знаат кога да го очекуваат вашиот производ. Го пропуштивте времето за испорака? Бидете брзи во вашиот follow-up и пронајдете начин да го направите тоа правилно. Бидејќи ако вашиот бренд се гордее со услугата за клиенти, подобрените опции за испорака се уште еден начин да ја зацврстите таа врска со вашата заедница.

Верувајте им на деталите и најдете одличен партнер за испорака

Како што напиша Harvard Business Review во јули, секоја компанија за логистика и испорака со која соработува еден малопродавач мора да биде токму тоа: соработник. И бидејќи секоја компанија за испорака со која вие соработувате е, во суштина, дел од вашиот бренд, од голема важност е таа компанија и нејзините вработени да покажат иста грижа и внимание на деталите кон вашиот производ како и вие. Значи, иако не знаеме колку долго ќе трае оваа пандемија или кога ќе се вратиме на „нормалното“, трговците сега имаат можност да додадат уште едно оружје на нивниот арсенал: брза и сигурна испорака на производите во истиот ден кога се порачани.

Извор: Retail Dive