Клучни поенти:
- Амазон им дава на своите вработени поголема флексибилност да работат надвор од своите канцеларии, соопшти компанијата во четвртокот, во значителен пресврт од претходните упатства за враќање на работа.
- Во интерен извештај испратен до вработените, Амазон рече дека очекува вработените да работат во канцеларија три дена во неделата, оставајќи им можност да работат надвор од канцеларија до два дена во неделата. Водачките тимови ќе утврдат во кои денови од вработените ќе се бара да работат од канцеларијата, соопшти компанијата.
- Вработените во компанијата кои не сакаат да работат во канцеларија три дена неделно, ќе можат да аплицираат за исклучок. Дополнително, некои вработени ќе имаат можност да работат целосно од далечина до четири недели од годината.
Амазон претходно имаше построг пристап кон своите планови за враќање на работата. Во март, Амазон истакна дека нивната цел е „да се врати во канцелариско-центричната култура како нивна основа“. Во тоа време, компанијата соопшти дека очекува некои вработени да се вратат во канцеларијата ова лето, а поголемиот дел од персоналот до есен.
„Како и сите компании и организации ширум светот, ние за прв пат управуваме со секоја фаза на оваа пандемија, учиме и се развиваме како што поминува времето“, вели Амазон во своето соопштение.
„Размислувавме како да ја балансираме нашата желба да обезбедиме флексибилност за работа од дома со нашето верување дека креираме најдобри решенија за клиентите кога сме заедно во канцеларија“.
Другите технолошки компании зазедоа сличен пристап во плановите за враќање на работата. Минатата недела, Apple соопшти дека вработените ќе доаѓаат во канцеларијата три дена во неделата, почнувајќи од почетокот на септември. Во мај, Google соопшти дека очекува 20% од своите вработени да работат од дома откако повторно ќе бидат отворени канцелариите подоцна оваа година.
Извор: CNBC
