Со добивањето на Беџот за верификуван е-трговец се вброивме во групата на легитимни онлајн продавници и со самото тоа ја оправдавме дадената доверба од нашите клиенти и ставивме нота на сигурност за секоја една направена нарачка. Безбедна, квалитетна и професионална услуга се нашите основни критериуми кои низ годините го градат нашето реноме како бренд. Искрено се надеваме дека ја подигнавме свеста кај потрошувачите во однос на разликата кога се купува од регистриран трговец кој ги има имплементирано сите неопходни законски регулативи во работењето наспроти нерегистрираните субјекти.

Како лидер на пазарот за е-трговија во Македонија уште веднаш пристапивме кон аплицирање за Беџот за верификуван е-трговец. За нас од клучна важност е корисниците да ја задржат довербата во нас и сметаме дека со Беџот за верификација било кој бизнис може да се истакне пред другите како безбедно место за онлајн купување.

Пред сè Беџот за верификуван е-трговец ни помогна да обрнеме внимание на оние ситни формални детали кои што во секојдневната галама на задачи и обврски ги занемаруваме. Најголемата придобивка е тоа што сме кредибилни и даваме доверба на крајниот корисник дека ги следиме стандардите и правилата за е-трговија

URMA е релативно нова онлајн продавница и како таква има големи придобивки од Беџот за верификуван е-трговец бидејќи тој самиот по себе влева сигурност кај купувачите кои сè уште имаат било какви недоумици дали е безбедно да се купи во нашата е-продавница. Се надевам дека во иднина сите е-продавници кои функционираат правилно и според законите ќе го “носат” гордо овој беџ, а со тоа ќе овозможат да стане попрепознатлив кај домашните, а и странските купувачи.