fbpx
+389 78 58 44 48
info@ecommerce.mk

Новости

Се одржа #3 Learn-a-thon: “Customer Relationship Management”

Во време на зголемена транзицијата од традиционално кој дигитално купување, грижата и вниманието кое се посветува на купувачите е од огромно значење. Со таа цел, заедно со М6 едукативниот центар, го организиравме третиот од петтте Learn-a-thon тренинзи на тема “Customer Relationship Management” во рамки на иницијативата Ecommerce4ALL која се реализира со помош на проектот на УСАИД за развој на деловниот екосистем.

Оваа едукативна обука за грижа на корисници се одржа онлајн преку апликацијата zoom и беше распределена во два дена. Во текот на првиот ден, учесниците заедно со Јулијана Заовска – Видиновски (проектен менаџер во Agile Pro Solutions со долгогодишно искуство во поддршка на корисници и корисничко искуство) се запознаа со сите генерални информации и општата основа за грижа на корисници – колкава е нејзината важност, начините на која истата може да се имплементира, алатки кои се од огромно значење за подобрување на односот со корисниците и енормниот удел на автоматизацијата. 

Вториот ден од обуката имаше за цел на практичен начин да им ја долови грижата за корисници на учесниците преку споделување на искуствата на едни од најголемите е-трговци на нашиот пазар – Grouper.mk и Paket.mk. 

Во првиот дел, Ива Трембелиева (оперативен директор на Grouper.mk) и Фросина Трајковска (Лидер на тимот за веб-администрација и поддршка на клиенти во Grouper.mk) ја нагласија важноста на сослушување на своите клиенти и објаснија практики со кои можат да се надминат очекувањата на корисниците преку интерактивна презентација со многубројни примери од реални ситуации.

Во вториот дел, своите искуства за грижа со корисници при најголемиот онлјан супермаркет ги презентираа Драган Јосифовски (основач и извршен директор на Paket.mk) и Маја Лозаноска (оперативен директор на Paket.mk). Учесниците имаа можност да се запознаат со главните аспекти кои играат голема улога во нивната стратегија за грижата на корисници, како што се технологијата и автоматизацијата. 

Преку разработка на различни студии на случај, решавање на предизвици од секојдневието на овие е-трговци, како и преку интерактивни дискусии со е-трговците и меѓусебно, учесниците покажаа огромен интерес за разрешување на проблемите кои можат да се појават при процесот на негување на грижата со корисници, а воедно и се стекнаа со знаења и техники кои ќе можат да ги имплементираат при комуникацијата со купувачите од своите е-продавници. 

Post a comment