Онлајн трговците во Велика Британија губат повеќе од 1,8 милијарди фунти (2,13 милијарди евра) годишно поради недостаток на начини на плаќање достапни за нивните клиенти. Ова е откриено во новото истражување меѓу редовни онлајн купувачи.
Новото истражување ја покажува важноста да се понудат повеќе начини на плаќање на е-продавниците. Повеќе од 2.200 возрасни лица во Велика Британија на возраст над 18 години учествувале во истражувањето спроведено од Merchant Advice Service. Сите учесници купуваат онлајн барем еднаш неделно.
Напуштените колички доведуваат до губење на приходите
20% од испитаниците признале дека секој пат кога не можат да платат со претпочитаниот начин на плаќање, ја напуштаат кошничката со производи. Кога од нив било побарано да ја проценат производите кои останувале во кошничка секој месец, просечниот одговор изнесувал 17,5 евра.
Е-трговците губат дури 2,13 милијарди евра годишно поради недостаток на разноврсни начини на плаќање
Опции за плаќање само со дебитна и кредитна картичка ги фрустрира купувачите
Истражувањето покажа дека 67% од испитаниците сметаат дека е фрустрирачки кога има недостаток на достапни начини на плаќање. И 54% од нив се обесхрабрени да направат нарачка онлајн ако опциите за плаќање се само плаќање со дебитна или кредитна картичка.
Преферираниот начин на плаќање на испитаниците е PayPal
Преку студијата испитаниците биле прашани кои начини на плаќање би сакале да ги видат кај онлајн продавниците. Мнозинството (71%) рекле дека го претпочитаат PayPal, следено од 67% кои имаат тенденција да користат дигитални паричници како Apple Pay и Google Pay. Но, 24% од испитаниците, исто така, сакаат да имаат опции од типот на „купи сега, плати подоцна“, како што се Klarna и Clear Pay.
Важноста на алтернативните начини на плаќање
Резултатите од ова истражување покажуваат дека нудењето алтернативни начини на плаќање на кредитни или дебитни картички може да им помогне на онлајн трговците да генерираат повеќе продажба. „Со ограничување на вашите начини на плаќање, подеднакво ги ограничувате вашите шанси за продажба доколку клиентите не можат да платат користејќи ги нивните посакувани методи за плаќање. За да го избегнете напуштањето на количката од страна на клиентите, т.е последната фаза од плаќањето, размислете за додавање на начини на плаќање што го прават онлајн купувањето што е можно побрзо и без проблеми, нудејќи one-click плаќања и повеќе “, вели Либи Џејмс, ко-основач на Merchant Advice Service.
Извор: Еcommerce News
