Овој јуни, стотици е-трговци се собраа во Лондон за да разговараат за најновите индустриски трендови, случувања и предизвици на „eTail Europe 2018“. На настанот се споделуваа согледувања, имаше состаноци со бизнис лидери и учење од брилијантни презентации и панел дискусии со лидери како Амазон, Керос Дигитал, Аргос, Вивиен Вествуд, Лидл и River Island. За оние кои не можеа да присуствуваат на настанот, Швајцарската асоцијација за е-трговија направи листа со петте најкорисни предавања, кои може да ги прочитате во овој блог пост.
GDPR е одлична можност за трговците да ги ценат купувачите
По донесувањето на Релативата за заштита на лични податоци, постои генерален консензус дека ваквата регулатива претставува можност за е-трговците да ја интегрираат транспарентноста во нивните секојдневни активности и да изградат доверба кај купувачите.
Како што истакна Алекс Рутер од IBM Watson, GDPR е совршена можност за трговците да размислат како да ги претворат податоците во корисни информации преку кои ќе го подобрат искуството на клиентите. На долг рок, бизнисите кои ја прифаќаат промената ќе имаат предност што ги издвојува од конкуренцијата. Уште повеќе, трговците со силна репутација на пазарот се со поголема веројатност да соберат податоци во реално време од нивните клиенти, бидејќи клиентите ќе изберат да ги споделат своите однесувања и преференции, знаејќи дека нивните лични податоци се во безбедни раце.
Пораст на мобилната е-трговија
Во минатото, многу онлајн купувачи имаа тенденција да пребаруваат на мобилен и да купат подоцна на десктоп. Овој тренд се чини дека се менува.
Всушност, “во повеќето региони во светот, мобилните телефони сега сочинуваат повеќе од 50% од онлајн трансакциите“, вели Тал Офер од Керос Дигитал.
Сепак, според неодамнешниот извештај на Google, 53% од мобилните купувачи ќе се откажат ако содржината не се вчита во рок од 3 секунди. Ова врши притисок врз трговците да понудат подобар и побрз начин за купување од мобилен телефон.
Купувај сега – плати подоцна
Мотивирано од целта да донесе што повеќе купувачи, се зголемува бројот на трговците кои нудат опција „купи сега, плати подоцна“. Ова е одлично решение како купувачите не би го напуштиле сајтот и нивната кошничка доколку се случат проблеми со трансакција.
Лорел Волф од Кларна напомена:
- Клиентите кои плаќаат подоцна, трошат за 20% повеќе од оние кои плаќаат веднаш
- Во просек, постои зголемување од 8% во подоцнежната наплата
- Бројот на производи во кошничката се за 22% поголеми кај оние кои плаќаат подоцна, отколку кај оние кои не ја користат оваа опција
- Производите по кошница се побројни за 22% кај оние кои плаќаат подоцна во споредба со оние коли не плаќаат подоцна
- Постои 15% зголемување на вредноста на кошничката кај подоцнежните плаќања споредбено со кошничката на оние кои не ја користат оваа опција.
Дигиталните брендови да инвестираат во brick & mortar
“Добрите интернет-продавници треба да имаат изложбен салон од тули и малтери за да му овозможат на клиентот да го доживее производот”, рече Џулиен Каледе, основачот на made.com, за време на неговиот говор. Тој додаде: „Идејата за само дигитални или само физички продавници не е важна и е старомодна. Сега се сведува на создавање на искуството кое сакате да го понудите на корисниците. Трговците треба да креираат контакт точки со корисниците а искуството и од онлајн и од офлајн купување треба да е безпрекорно.“
Персонализацијата е клучот на задоволство и лојалност од страна на купувачите
Карен Пепер од Amazon Pay посочила дека само минатата година недостатокот на прилагодување и доверба на потрошувачите ги чинела компаниите 756 милијарди долари, додека 73% од клиентите се склони да ги сменат брендовите ако искуството е лошо. Прилагодените кориснички искуства ќе придонесат во градењето доверба на клиентите, зголемување на задоволството, зголемување на убедливоста на брендот и зголемување на конверзии и вкупни приходи.
Извор: http://www.netcommsuisse.ch/
