+389 78 58 44 48
info@ecommerce.mk

Новости

Започна нов проект за поддршка на регионалната економска интеграција во областа на квалитетна инфраструктура и е-трговија

АЕТМ присуствуваше на официјалното лансирање на новиот проект на Deutsche Gesellschaft für Internationale Zusammenarbeit (GIZ) за поддршка на регионалната економска интеграција во областа на квалитетна инфраструктура и е-трговија. Проектот EU4Business: Поддршка на регионалната економска интеграција ќе се спроведува во име на Европската унија (ЕУ) и германското Сојузно Министерство за економска соработка и развој (BMZ) и има за цел да ја зајакне регионалната економска интеграција меѓу ЦЕФТА пазарите преку поддршка на спроведувањето на Акциониот план за заеднички регионален пазар во двете области.

Само вистинско партнерство меѓу сите страни ќе обезбеди добро спроведени реформи и успех кон нашата заедничка двојна цел – регионална економска интеграција и приближување до европскиот пазар, беше истакнато на настанот за промоција на проектот „EU4Business: Поддршка на регионалната економска интеграција “ во Скопје.

Функционален квалитетен инфраструктурен систем е катализатор за подобрување на квалитетот на производите и услугите во една економија. Тоа помага да се стимулира побарувачката за овие производи и услуги со докажување дека производите се со одреден баран квалитет. Тестираните производи се сметаат за „погодни за намената“ и со добивање на ознака за квалитет, производите полесно може да се извезуваат на други пазари. Пет основни компоненти го сочинуваат системот на инфраструктура за квалитет: акредитација, стандардизација и метрологија, како и сертификација и тестирање/инспекција.

Дејвид Оберхубер, директор на ГИЗ во Северна Македонија, изјави дека Deutsche Gesellschaft für Internationale Zusammenarbeit (GIZ) е многу горд што повторно е избран да спроведе проект кој ќе ја зголеми трговијата и конкурентноста во ЦЕФТА пазарите. Тоа е продолжување и дополнување на нашите тековни заеднички активности со страните на ЦЕФТА за поддршка на спроведувањето на трговските реформи во регионот во согласност со барањата во процесот на усогласување со ЕУ.

„Ефикасен инфраструктурен систем за квалитет ќе ги заштити и потрошувачите од небезбедни производи и бизнисите од непропорционални трошоци и нелојална конкуренција. Електронската трговија од друга страна е една од најбрзо растечките области во трговијата со услуги во економиите на ЦЕФТА. Регионалната интеграција во оваа област ќе им овозможи на потрошувачите да имаат корист од поголем избор и пониски цени, а трговците на мало ќе можат да ги намалат трошоците за трансакцијата и да добијат пристап до новите пазари економично.“

Штефен Худолин, шеф за соработка во Делегацијата на ЕУ во Република Северна Македонија изјави дека функционалната и сигурна инфраструктура за квалитет е основен предуслов за слободно движење на производи, додека е-трговијата е нова алатка која носи огромен потенцијал за раст на прекуграничната е-трговија.

„Драго ни е што ЕУ ќе ги поддржи економиите на ЦЕФТА да ја зајакнат нивната регионална соработка и да го подобрат слободниот проток на производи. На овој начин граѓаните и бизнисите од регионот ќе можат да искусат една од „четирите слободи на внатрешниот пазар“ како во ЕУ. Исто така, веруваме дека резултатите од овој проект дополнително ќе доведат до нови можности за економски раст и отворање нови работни места“, нагласи тој.

Ото Граф, заменик-шеф на мисија во германската амбасада во Северна Македонија, потсети дека германската влада ги поддржува тековните регионални економски реформи и напорите за соработка во рамките на Берлинскиот процес од 2014 година.

„Регионалната економска интеграција ќе ја зголеми продуктивноста на економиите, ќе доведе до пониски цени и зголемена благосостојба и ќе придонесе за стабилноста на регионот“, нагласи тој. Овој проект е продолжување на партнерството помеѓу германската влада, ЕУ и економиите на ЦЕФТА за спроведување на трговските реформи во рамките на ЦЕФТА во согласност со барањата на процесот на усогласување со ЕУ. Заедно со ЦЕФТА страните, посветени сме регионалната економска интеграција да функционира успешно за бизнисите“, нагласи тој.

Крешник Бектеши, министер за економија на Република Северна Македонија изјави дека сите економии на ЦЕФТА мора да покажат подготвеност за соработка со сите соседни страни. Како што тој истакна, регионалната економска интеграција е најважното средство за регионален економски развој и забрзување на економското закрепнување од пандемијата Ковид-19, а Северна Македонија веќе ги согледува придобивките од оваа соработка на национално ниво.

„Преку овој проект, ќе добиеме поддршка за зајакнување на нашите институции за квалитет и усогласување со барањата на ЕУ, што ќе ни помогне да станеме поконкурентни во регионот во трговијата со индустриски стоки. Онлајн трговијата цвета во Северна Македонија, што се манифестира во силни асоцијации и огромна динамика во секторот. Овој проект го гледаме како одлична можност да напредуваме на овие полиња и да придонесеме за нашата заедничка цел – да обезбедиме пристап до 20 милиони клиенти за нашите деловни оператори во ЦЕФТА“, истакна тој.

Емир Џикиќ, директор на Секретаријатот на ЦЕФТА потсети дека Акциониот план за заеднички регионален пазар (CRM AP) е отскочна штица за Западен Балкан да се усогласи со правилата на ЕУ за единствениот пазар.

„Преземени се важни чекори кон приближување на регионот до единствениот пазар на ЕУ. АП за CRM предвидува дека CRM ќе функционира во согласност со правото на ЕУ за да се обезбеди слободно движење на индустриски производи помеѓу WB6. За ова, целосно функционирање и неопходен е усогласен QI. Страните веќе го препознаа економскиот потенцијал на е-трговијата и сигурни сме дека ќе продолжиме заеднички да градиме просперитетни економии низ целиот регион“, нагласи Џикиќ.

Јохана Волмајер, менаџер на фондот во ГИЗ, која го презентираше проектот, изјави дека регионалната економска интеграција нуди голем потенцијал за раст во економиите од Западен Балкан. Акциониот план за заеднички регионален пазар (CRM AP) ја поставува рамката за проектот со крајна цел да се постигне непречен проток на производи, услуги и висококвалификувана работна сила. Потрошувачите и компаниите ќе профитираат од регионално усогласена рамка која обезбедува лесен и безбеден промет на индустриски и електронски стоки со кои се тргува. Со оглед на тоа што проектот ја поддржува регионалната интеграција врз основа на правото на ЕУ, тој директно придонесува и во напорите на регионот за пристапување во ЕУ.

Проектот Поддршка за регионална економска интеграција придонесува за создавање на деловно опкружување кое заштедува трошоци и време на претпријатијата при тргување на регионалниот пазар. Истовремено, го зајакнува надзорот над пазарите и безбедноста на потрошувачите со воведување стандарди на ЕУ. Ги поддржува владините агенции да ги насочат процедурите неопходни за тргување со производи и услуги во регионот, со што ги подготвува економиите на ЦЕФТА за единствен европски пазар.

Post a comment

I accept the Privacy Policy