fbpx
+389 78 58 44 48
info@ecommerce.mk

Новости

Корисничко искуство унапредено со вештачка интелигенција – како да останете конкурентни во е-трговијата?

Трошењето онлајн се зголемува и се очекува да достигне до 1 трилион американски долари до 2022 година. На малопродажниците им требаат повеќе начини да останат конкурентни во е-трговијата и да ги искористат своите инвестиции во нивната онлајн инфраструктура.

Тука влегуваат во игра чет-ботови и други решенија за дигитален “ангажман”, вклучени во вештачка интелигенција кои ќе ви помогнат непречено да ги ангажирате вашите клиенти, како и канали и уреди кои можат да постигнат резултати за вашиот бизнис.

Меѓутоа, премногу често, алатките за вештачка интелигенција прават претпоставки за намерите или пораките на клиентот. Интернетот е полн со примери од неуспеси на чет-ботовите. Тие можат да бидат забавни, но овие неуспеси можат да имаат значителни последици за брендовите во реалниот свет. Со други зборови, за да биде навистина корисна, вештачката интелигенција треба целосно да ги разбере барањата на потрошувачите и потоа да одговори со информирани, корисни одговори низ сите канали за ангажман на вашите клиенти.

Зошто чет-ботовите доживуваат неуспех?

Во повеќето случаи, чет-ботовите не успеваат затоа што трговците не се целосно ангажирани со една од овие критични области:

  • Нивните бизнис-цели
  • Потребните на нивните клиенти
  • Квалитетот на разговорната вештачка интелигенција
  • Нијансите на човечкиот јазик
  • Новите алатки и вештини што ќе им бидат потребни
  • Справување со тешки прашања
  • Како да се дојде до агент за разговор во живо
  • Глас, тон и брендирање на чет-ботот
  • Ефикасна превенција од измама
  • Постојано учење и оптимизација

Оваа листа може да изгледа долга, но занемарувањето на кое било од овие клучни поенти може брзо да доведе до намалена рентабилност и незадоволнително шопинг искуство кај клиентите.

На пример, замислете дека неодамна пронајдовте пар чевли на Интернет, но бојата што ја посакувавте немаше залиха во вашата големина. Но, вие навистина ги посакувавте тие чевли, затоа разгледувавте наоколу кај други е-продавници и најдовте нешто слично на страницата на конкурентот.

Без разлика дали зборуваме за чевли, намирници или кој било број на производи што ги нарачуваме преку Интернет скоро секој ден, ова искуство е вообичаено. Се разбира, како малопродажник, не секогаш ќе ги имате сите чевли во секоја големина на располагање секој ден. Но, што ако можете да ги спречите вашите купувачи да купуваат кај конкурентите?

Да речеме дека вашата е-продавница има чет-бот кој работи со помош на вештачка интелигенција. Значи, кога вашиот купувач ќе се сретне со артикл што нема залиха, тој може да се обрати на вашиот чет-бот за да открие кога чевлите ќе бидат достапни. Наместо едноставно да кажете дека производот нема залиха, вашиот клиент би добил ваква порака: „Овој производ се очекува да биде повторно на залиха на 15 јуни. Дали сакате да го нарачате однарпред?“ Или, чет-ботот може на купувачот да му прикаже други, слични опции за производи кои би му се допаднале.

Тоа е customer experience (CX) што е понепречено, пофлексибилно и успешно и за клиентите и брендовите. Решенијата за дигитален ангажман на купувачите станаа сè поважни во денешното високо конкурентно опкружување за е-трговија и тие создаваат повеќе можности да ги зголемат стапките на конверзија, да го намалат напуштањето на количката и да ги поттикнат можностите за зголемување на продажбата.

На крајот на денот, денешните онлајн купувачи имаат поголем избор од кога било и нивните очекувања се големи. Тие сакаат беспрекорно и непречено искуство при купување во согласност со секој канал, без разлика дали се во физичка продавница или онлајн. Искуствата на клиентите со помош на вештачка интелигенција, поддржани од чет-ботови и други решенија за дигитален ангажман, можат да го трансформираат CX и да постигнат високи резултати.

Извор: RetailDive

Post a comment