Сезоната за шопинг која е во четвртиот квартал (од октомври па се до Нова Година) веќе долго време е најважниот и најпрофитабилниот период од годината за трговците ширум светот. Ова тврдење се испостави најточно во 2019 година, со тоа што вредноста на оваа сезона бележела трилиони долари.
Оваа година, со сета неизвесност околу глобалната пандемија, многу потрошувачки пазари се соочуваат со страв од огромни падови на купувањето во физички продавници, што доведува до потенцијален пад на продажбата. Ова може да изгледа застрашувачки, но исто така треба да послужи како инспирација за развој на стратегија за малопродажба во четвртиот квартал многу однапред.
Намалениот сообраќај во физичките продавници за трговците на мало во продавниците може да го попречи достигнувањето на вкупниот број на продажби објавени во 2019 година. Сепак, порастот на купувачите кои купуваат онлајн – пораст од 25% во споредба со минатата година – им нуди на е-трговците клучна можност да ги рефокусираат своите стратегии за четвртиот квартал. Додека навиките и трендовите на потрошувачите можеби се променија, клучните методи за привлекување нови и постоечки клиенти остануваат доследни.
Еве неколку од најдобрите стратегии што треба да се усвојат додека ја чекаме овогодишната празнична шопинг сезона:
Промоции – испланирајте ги однапред
Бидејќи во моментов на глобално ниво се соочуваме со економска неизвесност и зголеме невработеност како резултат на пандемијата, разбирливо е дека некои трговци се загрижени дека потрошувачите ќе се двоумат дали да трошат.
Иако можеби, загриженоста е валидна, со правилен промотивен распоред и стратегија, компаниите можат да компензираат за моменталната ‘бизнис клима’ и сепак да го надминат достигнатиот резултат од продажбата од минатата година. И покрај фактот дека веројатноста е помала дека купувачите ќе трошат несериозно, постои шанса тие да го завршат својот празничен шопинг за време на промотивен период како Black Friday или Cyber Monday.
Многумина разбираат дека Cyber Monday е онлајн верзија на Black Friday, но ова не ги спречува бизнисите да нудат промоции на нивните е-продавници и за Black Friday и за Cyber Monday. Всушност, користејќи ги обете, особено во 2020 година, компаниите можат да ја зголемат веројатноста за поврзување со потрошувачите барем во еден од овие денови. Повеќе промоции доведуваат до зголемен сообраќај кон веб-страниците; а со тоа и поголемa стапка за продажба преку Интернет.
Додека продажбата во продавниците може да не се врати во целост овој ноември, продажбата на Сајбер понеделник оваа година се подготвува да порасне дури и повисока од зголемувањето за 19 проценти што го видовме во 2019 година. Со овој прилив на нарачки и потенцијално високи стапки на нови клиенти, компаниите треба да бидат подготвени.
Додека продажбата во продавниците може да не се врати во целост овој ноември, продажбата на Cyber Monday оваа година се подготвува да порасне дури и повисока од зголемувањето за 19% во 2019. Со овој прилив на нарачки и потенцијално високи стапки на нови клиенти, компаниите треба да бидат подготвени.
Знајте ги вашите празници
Додека подготвите промоции за големите продажни денови како Black Friday и Cyber Monday, земете време и обрнете внимание на другите празници кои се во четвртиот квартал, и кои создаваат помалку стрес.
Во меѓувреме, регионалните и локалните празници исто така можат да ја зголемат продажбата. Ако има посебен ден или настан специфичен за вашиот домашен пазар, тогаш покажете им на вашите клиенти дека сте ангажирани во заедницата со продажба или ажурирање на почетната страница на вашата е-продавница и социјалните медиуми со забавна маркетинг кампања.
Божиќниот шопинг можат да биде настан од големо значење за продажба за време на четвртиот квартал. Слично е на Cyber Monday во смисла дека бара рано планирање. Исто така, клучно е да се запамети дека сезоната на Божиќен шопинг не завршува дента пред Божиќ.
Бизнисите треба да го имаат предвид потенцијалот по Божиќните купувања и промоции со цел да надоместат за неизбежните враќања на производи од луѓето кои не биле воодушевени од подароците што ги добиле. Божиќ, заедно со другите декемвриски празници, може да биде спас за многу бизниси.
Иако бројките на продажбата и однесувањето на купувачите се тешки за предвидување оваа година, Божиќ дава сигурност во неизвесно време. И покрај тоа што многу настани беа преместени на различни датуми и купувањето во физичките продавници најверојатно ќе биде ограничено, Божиќ не оди никаде. Луѓето мораат некако да го остварат својот шопинг, па оваа година е огромна можност за е-трговијата и е-трговците.
Стратешки понуди за попуст
Со планираните промоции и празниците означени на вашиот календар, последниот клучен чекор за прилагодување на оптимална стратегија за продажба во четвртиот квартал е да им обезбедите на вашите потрошувачи вистински попуст. Со премногу попуст би му наштетиле на вашиот бизнис, додека премалиот попуст може да не биде забележан како поттик за купување.
Сепак, не секогаш се сведува на процентот на попуст што се нуди. Кога станува збор за попусти и промо кодови, CouponBirds откри дека клиентите се повеќе се интересираат за стимулации ширум страниците. Што значи дека во многу случаи, код за 10% попуст кој важи ширум целиот веб-сајт ќе се користи почесто отколку купон за попуст од 15% за избрани производи.
Зголемениот сообраќај на е-продавниците значи поголема конкуренција – за купувачите е важно да се даде до знаење дека еден купон е едноставен за употреба и важи за секоја набавка. Ова им овозможува на потрошувачите да купуваат за себе и за своите најблиски на најлесен можен начин. Помалку кликови и помалку време за пребарување може да се претвори во подобри резултати во купувањето.
Поставувањето на вистинскиот попуст може да се искористи и за воочување кои клиенти постојано се враќаат во вашата е-продавница или како средство за стекнување е-пошта на клиентите. Скокачките прозорци на страниците за е-трговија кои ги поттикнуваат купувачите да ја остават својата е-пошта со цел да добијат код за попуст при нивното прво купување им даваат вредност и на купувачот, и на продавачот.
Кога потрошувачот ја следи препораката за оставање на својата е-пошта, овој вид попуст виртуелно ви гарантира продажба, ви дава информации за вашата база на клиенти и ви овозможува начин да контактирате со клиентите за да ги информирате за вашиот бизнис. Поради овие придобивки, обезбедувањето малку повисок процент на попуст не е штетен и, всушност, може да резултира со поголема рентабилност од тој купувач со идното купување.
Невообичаената ситуација околу трговците четвртиот квартал од 2020 може разбирливо да предизвика одредена несигурност. Сепак, трговците не треба да се вознемируваат. Со вистинска стратегија за попусти, заедно со промотивни периоди и празници, е-трговците можат да ги надминат рекордите за продажба од минатата година и да се постават себеси за долгорочен успех во online-first иднината.
Извор: Ecommerce Times
