Како да користите ретаргетирање за да ги вратите е-купувачите кои заминале

Сигурни сме дека имате вложено бројни часови, како и финансии за да привлечете што повеќе луѓе до вашата онлајн продавница. Но, што се случува кога купувачите ќе ја посетат вашата е-продавница ќе заминат без да купат нешто, или пак без да остават некоја нивна информација за контакт? Доколку интеракцијата на еден потенцијален купувач на вашата онлајн продавница не резултира со оставање на негова контакт информација, купување на производ или било каков друг чекор кој може да има некаква вредност се класифицира како „отскокнат“ купувач, што значи дека тој „отскокнал“ од вашата онлајн продавница.

Но, постои начин да се допре до посетителите кои ја посетиле вашата онлајн продавница, но можеби сè уште не биле подготвени да направат некаква нарачка. Тоа се нарекува „ретаргетирање“.

Што е ретаргетирање?

Ретаргетирањето всушност не е ништо ново во онлајн светот – овој метод се користи многу години наназад со цел да се „заработат“ нови купувачи и продажби.

Стратегијата за правење „comeback“ на оние купувачи кои ги привлекол вашиот веб-сајт но не „преземале„ ништо функционира вака:

1. Согласно услугата за ретаргетирање што ќе ја изберете, ќе треба да поставите фрагмент од код на вашата онлајн продавница за следење на посетителите и конверзиите.

2. Ќе треба да креирате јазик за рекламирање, а исто така ќе треба да дизајнирате визуелни објави за да ги привлечете купувачите назад

3. Кога потенцијалните купувачи ќе ја посетат вашата онлајн продавница и ќе си заминат, на сцена стапува ретаргетирањето со кое ќе им „сервирате“ реклами кои се базирани на текст или слики на други веб-сајтови кои ги посетуваат. Посетителот на вашиот веб-сајт може, да пример, да посети популарен веб-сајт за вести (како што кај нас се time.mk, marketing365.mk, итн.) каде што ќе му биде претставена специјална реклама со која можеби ќе прикажете специјален код за попуст. Со тоа ќе го охрабрите купувачот да се врати назад на вашата подавница и да направи нарачка.

Everything is Always About Data: што велат податоците за ретаргетирањето?

Според истражување на Monetate, стапките на конверзија во просек се 3% – со многу посетители кои „отскокнуваат“ и никогаш не се враќаат. Но, со користење на различни начини за ретаргетирање, вклучително и со Google, имате можност да допрете до овие посетители преку повеќе од 2 милиони од најпосетуваните веб-сајтови во светот.

Склоноста за повторно ангажирање на посетителите по нивната прва посета може да биде профитабилна.

Истражувањето на Invesp покажува дека:

• 75% од потрошувачите обрнуваат внимание на рекламите за ретаргетирање.

• Рекламите за ретаргетирање имаат просечна стапка на кликање од 0,7%.

• Користењето на визуелни реклами за ретаргетирање може да резултира со стапка на конверзија од 70%.

• Дури 26% од потрошувачите ќе кликнат на реклама за ретаргетирање и повторно ќе ја посетат онлајн продавницата

Како една е-продавница може да имплементира ретаргетирање?

Сега кога сте свесни за вредноста на ретаргетирањето, како можете да го интегрирате истото во вашата онлајн продавница?

Па, првиот чекор што ќе треба да го преземете е да идентификувате каков тип на ретаргетирање ви треба. Ова зависи од вашето решение за е-продавница; на пример, Shopify, WooCommerce, BigCommerce и други платформи имаат т.н. app stores кои нудат додатоци за ретаргетирање и ремаркетинг со различни карактеристики и опции.

Можете исто така да го користите вградениот ремаркетинг на Google (ако користите Ad Words), а исто така можете да размислите за користење на third-party услуги како Ad Roll и други.

Спроведувањето на ретаргетирање е прилично едноставно: проверете дали сте ги инсталирале потребните додатоци за кодови на вашата е-продавница, соодветно поставете ги вашите реклами и креирајте кампања.

Што треба да разберете за аналитиката?

Важно е да знаете на што се трошат вашите пари и дали тоа всушност генерира нови продажби. Затоа е неопходно да го тестирате ретаргетирањето откако ќе го поставите истото за да бидете сигурни дека сето тоа функционира. Ова значи да ја посетите вашата онлајн продавница, да „отскокнете“ како еден вообичаен купувач, да кликнете на рекламата што сте ја поставиле и да направите некоја нарачка. Следно, проверете ја вашата аналитика и уверете се дека сообраќајот, посетата и што е најважно, конверзијата се правилно следени.

Секоја услуга за ретаргетирање ќе ви обезбеди контролна табла за аналитика за да можете да гледате броеви во реално време и да видите што предизвикува продажба, а што не.

Користете ги овие податоци за да донесувате паметни одлуки за вашите различни кампањи за ретаргетирање во иднина

Запомнете, можете да поставите независна реклама за секој поединечен производ или услуга што ја продавате. Ова значи дека дека можете да креирате сегментирани реклами што таргетираат корисници врз основа на нивната намера за купување на одреден производ.

Со други зборови, можеби ќе сакате реклами што ќе ги привлечат корисниците кои се оддалечиле од купување на нов Xbox One. Но, ќе ви требаат различни и подеднакво привлечни начини за ретаргетирање на посетителите кои се оддалечиле од купување на еден сет на садови.

Доколку сумираме се..

Дали ретаргетирањето е најважниот дел од дигиталниот маркетинг? Не. Но, процесот е навистина важен дел од синџирот на е-трговијата и е нешто што за чија имплементација треба да размислат сите е-трговци.