Живееме во време кога имаме изобилство на податоци кои ни се достапни со само еден клик, како и низа технологии што можат да се користат кај е-продавниците со цел нивно подобување и унапредување.
Сè повеќе во е-трговијата можеме да забележиме персонализирани стратегии од брендовите со цел да привлечат повеќе купувачи, да воспостават силна врска со нив и да ги натераат постојано да се враќаат на нивната е-продавница. Тоа е и целата идеја, нели?
За да се создаде доверба кај купувачите и да се одржи врската со нив во постојана релација, потребен е метод кој ќе го подобрува искуството кое го имаат во тие неколку минути присутност на е-продавницата и кој ќе им создаде позитивен став за купувањето онлајн и придобивките од истото
Супериорно end-to-end искуство на купувачите
Да почнеме со основите: кога зборуваме за искуството на купувачите во е-трговијата зборуваме за end-to-end патување – од првичното откривање на е-продавницата до последното притискање на checkout. Зборуваме за интеракцијата која одреден купувач ја има со вашиот бренд.
Нивото на беспрекорност и релевантните содржини што можете да ги испорачате во голема мера влијаат на однесувањето и лојaлноста на вашите купувачи.
Затоа, целата интерекција треба да е воспоставена правилно. Но, што се подразбира под правилно?
Што купувачите денес очекуваат од искуството во е-трговијата?
Како последица на пандемијата, многу купувачи се осврнаа кон купување онлајн. Влијанието на искуството на купувачите во е-трговијата е навистина важно и откако брендовите го увидоа тоа, почнаа да го надополнуваат своето знаење инвестирајќи во нивните онлајн продавници и искуствата кои тие им ги нудат на купувачите. Брендовите кои не само што сакаат да останат во чекор со трендовите, туку и да бидат неколку чекори понапред, треба да создадат повеќе персонализирани онлајн искуства за купувачите. Всушност, 70% од купувачите велат дека е важно брендовите да им обезбедат персонализирани искуства, а 72% од нив велат дека веројатноста е поголема да купуваат од бренд доколку тој постојано им обезбедува персонализирано искуство.
Па, како да се постигне тоа?
1. Користење на податоци во реално време
Користењето на точни трансакционални податоци и податоци за однесувањето на купувачите во реално време е основата на секоја добра стратегија за создавање беспрекорно искуство на купувачите во е-трговијата. Не можете да ги знаете вашите купувачи, нивните навики и што тие сакаат без да имате сигурни и навремени увиди.
Вие го водите текот на искуството на купувачите, па затоа вашите кампањи нека одговорат на однесувањето на купувачите додека тие пребаруваат низ вашата е-продавница . На пример, вашите препораки за производи би можеле да се променат со производи што се слични на оние што купувачот ги гледал во истата сесија. Ова ви помага да бидете повеќе насочени кон она што им го прикажувате на купувачите и да создадете (потенцијално) зголемување на бројот на кликови и интеракции.
2. Сегментација и увиди: истражете повеќе!
Почетокот на планирањето на искуството на купувачите скоро секогаш започнува со идентификување на важните групи на корисници. Постојат многу начини да ги сегментирате вашите купувачи: може да се засноваат на изворот на сообраќај, геолокација, афинитет за попуст, афинитет на категоријата, однесувања – the list goes on!
Сепак, треба да ги разделите луѓето за најдобро да им служите на целите на вашиот бизнис и да поттикнете интеракција преку доставување релевантна, насочена содржина.
Оттаму, можете да лансирате поголеми можности за генерирање приходи од прелистувањето на купувачите низ вашата е-продавница.
3. Кохезија помеѓу сите ваши канали
Она што клиентите го доживуваат од вашата платформа за е-трговија треба да биде кохерентно и за другите канали на вашиот бренд (социјални мрежи, email, апликации, итн.)
Осигурајте се дека, кога креирате кампањи, ја земате предвид секоја можна точка на допир на која некој купувач би можел да се сретне со вашиот бренд.
4. Визуализацијата е најважна!
Современите купувачи брзински разгледаат производи преку генеричко рекламирање, особено кога станува збор за визуелни слики, а највеќе им веруваат на фотографиите од корисници кои веќе поседуваат одреден производи од некоја е-продавница. Затоа, многу е важно да се употребува содржина што е генерирана од вашите корисници (UGC) – таа може да го подобри развивањето на вашиот бренд.
Прикажете автентична, визуелна содржина
Вклучувањето на автентична визуелна содржина од вистински купувачи, да речеме, во специфична страница на производ, може да има големо влијание врз одлуките за купување. Тоа им дава на луѓето пореалистична слика за тоа како изгледа производот на/до/околу купувач ист како нив.
5. Тестирајте, оптимизирајте, повторете!
Одлуката кој дизајн, текст, слики, промотивна понуда или друга варијанта на кампања ќе функционира не треба да се остави на претпоставка, туку на постојано тестирање. Ова можете да го реализирате со помош на А/B testing или било кој друг метод.
Погледнете неколку примери за тоа како Chime, компанија која нуди банкарски услуги правела A/B testing кај посетителите на нивниот веб-сајт со цел да види што највеќе функционира кај нивните корисници:
Примери за A/B тестирање од Chime
А ова се резултатите:
По лансирањето на вашите кампањи со персонализација, од клучно значење е да ги тестирате нивните перформанси и како тие влијаат врз купувачите. Потоа, оптимизирајте ги кампањите според она што гледате дека функционира. Правејќи го ова, многу поедноставно ќе ги разберете целите и барањата на вашите купувачи и ќе оцените како подобро да им служите врз основа на тие сознанија.
