АЕТМ: Може ли да ни објасните што претставува twobyfour?
Срна: Two by Four (twobyfour.mk) е маркетинг и консултантска агенција која ја основав од желба да создадам тим кој не само што креира креативни решенија, туку и дава реални резултати за клиентите.
Сè започна од личното искуство и сфаќањето дека на многу компании им недостасува партнер кој ќе им помогне да го поврзат маркетингот со податоци, технологија и стратегија. Од првиот ден до денес, работиме со јасна мисија, да им помогнеме на брендовите да растат паметно.
Нашите клиенти можат да очекуваат партнерство базирано на транспарентност, стратешко размислување и конкретни резултати. Секој проект го третираме уникатно, не продаваме шаблони, туку решенија прилагодени на целите и потребите на клиентот.
Она што нè издвојува е комбинацијата на креативност и аналитичка строгост. Знаеме дека еден добар дизајн или видео не значи ништо без вистинска дистрибуција и мерлив ефект. Работиме блиску со клиентите, често и како продолжение на нивниот тим, со фокус на раст, оптимизација и долгорочна вредност.
Во последната година, држиме обуки и консултантски услуги на постоечките маркетинг тимови во комапниите, бидејќи на пазарот има недостаток на аналитички размислувања во светот на дигиталниот маркетинг.
АЕТМ: Кој е вашиот најдобар совет за рекламирање на социјални медиуми за е-продавници?
Срна: Најдобриот совет што би го дала на е-продавници за рекламирање на социјални медиуми е: немојте да трошите, инвестирајте. Тоа значи да знаете кому се обраќате, зошто, и како мерите успех.
За секоја одлука мора да има „затоа што…“, па така и за стратегијата за рекламите.
Од моето искуство со многу брендови, најголемата разлика ја прави структурираниот пристап кога има јасна стратегија, публика дефинирана според податоци, и кампањи што не се базираат само на убави креативи, туку на реална анализa. Пред да ги пуштите рекламите, мора да имате неколку хипотези и самите реклами да бидат структурирани за да може да се донесе заклучок. Колку повеќе размислувате при сетирање на самите реклами, толку повеќе заклучоци ќе има на крајот на кампањата.
Ние во Two by Four ја користиме автоматизацијата овозможена од платформите за рекламирање, но секогаш внимаваме бидејќи сѐ уште и тие се во фаза на адаптирање.
Рекламите не се трошок ако се сетираат паметно, и секоја е-продавница треба да си го постави тоа како основен принцип.
АЕТМ: Користите ли алатки како e-mail автоматизација, гемификација и напредна сегментација за да го зголемите customer lifetime value и да поттикнете повторни купувања?
Срна: Одличен пример за тоа како да се користи е-mail автоматизацијата и сегментацијата за подобри продажби е брендот ТЕМУ. Јас, како сопственик на агенција што работи со клиенти од е-трговијата, секогаш внимавам на практики што доаѓаат од успешни светски примери – и ТЕМУ е еден од нив. Она што тие го прават одлично е гемификацијата преку игри, кодови, и персонализирани пораки кои ја зголемуваат интеракцијата и го продолжуваат животниот циклус на купувачот.
Во нашата пракса, кога станува збор за е-mail маркетинг, секогаш првиот чекор е да се соберат квалитетни лидови преку реклами на социјалните мрежи, нарачки, или freebie понуди. Но, вистинската вредност доаѓа подоцна: преку сегментирано испратени мејлови. Тоа значи автоматска порака за напуштена кошничка, роденденски понуди, или персонализирани препораки според историјата на купување.
Клучно е секој бренд да не гледа на e-mail маркетингот како на масовно праќање понуди, туку како алатка за градење релација со купувачите. Целта е да имаме лојални корисници кои не само што ќе купат повторно, туку и ќе се поврзат со брендот. Само така се гради customer lifetime value.
АЕТМ: Како изгледа една успешна, data-driven стратегија за е-трговија кај вас?
Срна: Успешна data-driven стратегија за е-трговија кај нас започнува со разбирање на податоците, не како бројки туку како приказна за однесувањето на корисниците. Прво ја дефинираме целта: дали сакаме продажба, повторна активација, или раст на кошничката. Потоа, анализираме кои канали најмногу придонесуваат, каде губиме внимание, и што точно носи резултат. Користиме алатки како GA4 и Looker Studio за да ги визуелизираме податоците, но уште поважно, учиме од нив. Стратегијата никогаш не е „set and forget“, туку постојано тестираме, адаптираме и оптимизираме. На пример, ако гледаме дека некој производ има многу кликови, а малку продажби, тогаш ја преиспитуваме креативата, лендинг-страницата, или самата понуда. Сѐ е поврзано. На крај, ја поврзуваме маркетинг стратегијата со реалната испорака – дали сме спремни логистички, дали има залиха, и дали клиентот добива искуство какво што сме ветиле преку рекламата. Само така може стратегијата да биде целосно data-driven и навистина успешна.
Следиме многу KPI од CPM, CPC, CTR, CPA, па сѐ до bounce rate, time on page и add to cart rate. Но, искрено, на крајот на денот најважната бројка за клиентот или сопственикот на бизнисот е една ROAS или ROI. Тоа е она што резимира сè, односно дали вложеното се исплатило. Колку и да се добри другите метрики, ако нема поврат од инвестицијата, кампањата не се смета за успешна. Затоа целта ни е секогаш да ги поврземе сите податоци и перформанси со резултат што директно му значи на бизнисот дали расте, и дали профитира.
АЕТМ: Што точно значи „full-funnel стратегија“ и како ја применувате во вашата работа?
Срна: Можам да зборувам по теорија, но мислам секој денес може да го прочита тоа на ChatGPT или Perplexity. Јас повеќе би зборувала преку примери од моето искуство и од конкретни анализи што ги изработуваме во Two by Four. За нас, full-funnel стратегијата значи секој чекор од патот на корисникот да биде визуелно прикажан, анализиран и поврзан со буџетот. Од првиот клик на рекламата, преку посета на лендинг страница, до финална продажба – сè ни е јасно мапирано.
Паралелно анализираме и која платформа носи подобра конверзија. Во една анализа гледаме дека Facebook носи многу повеќе кликови, но Instagram има поголем број продажби. Тоа се информации што директно ни влијаат на идната распределба на буџет.
Тестираме и креативи, а не ретко се случува да добиеме конверзии и од traffic кампањи, што само покажува дека публиката реагира поинаку од тоа што ние планираме и токму затоа е важно секоја хипотеза да биде претходно поставена. На крајот на денот, ги поврзуваме сите податоци со буџетот и ја следиме само една главна цел: како со помалку средства да постигнеме повеќе.
АЕТМ: Кој е вашиот совет до мали бизниси кои штотуку започнуваат со онлајн продажба?
Срна: На малите бизниси кои штотуку започнуваат со онлајн продажба би им препорачалe најпрво да го постават својот дигитален екосистем на здрави основи. Тоа значи да обезбедат јасно структуриран вебсајт, добро поврзани платформи за продажба и, особено важно – да ги постават сите потребни аналитички алатки уште од самиот почеток.
Мерењето и следењето на податоците е клучно во дигиталниот свет. Само со квалитетно поставен систем ќе можат навремено да ги препознаат шансите за раст, да ја оптимизираат продажбата и да донесуваат одлуки базирани на податоци. Поголемиот дел од успесите во е-трговијата доаѓаат токму од оваа способност, да се разбере пазарот и клиентите преку бројки.
Исто така, би им препорачал да не се водат само од „брзи решенија“ и моментални трендови, туку да инвестираат време во градење на долгорочна стратегија и во континуирано учење.
АЕТМ: Како сте задоволни од членството во Асоцијацијата за е-трговија на Северна Македонија (АЕТСМ)? Кои се најголемите придобивки што ги добивате како член?
Срна: Членството во АЕТСМ го сметам за особено вредно и конструктивно. Како претставник на мојата компанија, сум активен член од самите почетоци, токму поради желбата постојано да учам, да бидам во тек со трендовите и да разменувам искуства со други професионалци од индустријата.
На сите мои клиенти искрено им го препорачувам членството, бидејќи носи многу придобивки – од можноста за учење и следење на најновите практики, до вредна размена на искуства и идеи, било позитивни или негативни. Таквата отворена и поддржувачка заедница е од голема корист за сите што сакаат да го унапредат своето работење во дигиталната сфера.
