Кинескиот онлајн маркетплејс AliExpress ја лансира новата услуга Local+, решение за fulfillment (логистика и достава), преку кое продавачите ќе можат целосно да ја префрлат испораката на платформата. AliExpress веќе има неколку магацини во Европа, што значи побрза испорака до потрошувачите.
Оваа вест беше објавена оваа недела преку официјално ПР соопштение. Со започнување на fulfillment услугите, AliExpress ги следи чекорите на конкуренти како Shein, Temu и Amazon. На пример, Temu во декември минатата година започна со користење локални магацини во кои се складираат производи од кинески и европски продавачи, што значително ги намали временските рокови за достава.
10 магацини низ Европа
Од 2022 година, европските онлајн продавачи можат да продаваат на маркетплејсот на AliExpress. Сепак, досега тие самите мораа да се грижат за испораката – директно или преку надворешни логистички партнери. Сега, платформата има купено 10 магацини во Обединетото Кралство, Шпанија и Германија.
Испораката ќе биде извршена за минимум седум дена, а AliExpress ќе се грижи и за враќањето на производите.
Услугата произлезена како одговор на пазарот
Од AliExpress велат дека оваа нова услуга е воведена за да им понудат на клиентите познато и поудобно корисничко искуство. Но, не може да се игнорира и фактот дека ова е чекор кој има за цел да го задржи чекорот со конкуренцијата.
Дополнително, се очекува и промената во регулативата на ЕУ да има големо влијание – според новите реформи за ДДВ, увозот на производи од земји надвор од ЕУ ќе стане поскап. Најдоцна до 2028 година, ќе биде укината границата за бесцарински увоз, а Европската комисија размислува и за дополнителна увозна такса од околу 2 евра за сите нарачки што доаѓаат надвор од Европската унија.
Извор: Еcommerce News
