+389 78 58 44 48
info@ecommerce.mk

Новости

5 работи што треба да ги направите за да обезбедите квалитетна испорака

Woman receiving package at front door of home

Потрошувачите стануваат се повеќе зависат од е-трговијата за нивните секојдневни потреби како што е на пример, снабдувањето со намирници за домот. Со таа растечка зависност доаѓаат и зголемените очекувања дека продавачите ќе обезбедат едноставно искуство за испорака.

Потрошувачите очекуваат ниввните пратки и пакети да пристигнат на вистинското место во вистинско време, секој пат

Како што е-трговијата расте од година во година, така расте и предизвикот да се обезбеди постојано висококвалитетно искуство за испорака. Репутацијата на вашиот бренд и вашата е-продавница зависи од секоја пратка што го напушта вашиот магацин. Сѐ прашувате што можете да направите за да вашите купувачи да имаат квалитетно искуство со испорака на нивните пратки? Еве пет предлози.

1. Избегнувајте исклучоци кои можете да ги спречите 

Исклучок се случува кога возачот не може да достави еден пакет на соодветната адреса. Иако ова се подразбира, мора проактивно да ги охрабрувате вашите купувачи да оставаат актуелни и up-to-date податоци за нивната локација, како и нивните контакт податоци.

Новите станбени згради се чест извор за несоодветна испорака на пратки. Новите адреси може да не се појавуваат правилно во апликациите за лоцирање (како што е на пример Google Maps) со недели или месеци по нивното населување. Прашајте ја вашата курирска служба како се справува со ваквите пратки – наоѓањето на доставувач со добро технолошко решение за ова прашање може да ве спаси од многу проблеми со испорака.

Најчесто голем проблем при доставувањето на пратки претставува недостатокот на информации како што се кодовите за пристап во зградите. Проверете дали вашиот процес на нарачување онлајн им дава можност на купувачите да обезбедат посебни упатства (на пр., шифри за пристап до одредена зграда и претпочитана локација за тоа каде да се остави пакетот).

2. Заштитете го вашиот бренд

Можете да ги намалите пратките-исклучоци кои што претставуваат ризик, но не можете целосно да ги елиминирате. Неуспешната испорака често завршува со оценување на вашата услуга од страна на купувачот со една ѕвездичка или 1/5 и изгубен купувач. Како да ги решите овие пратки-исклучоци и да го заштитите вашиот бренд од репутацискиот и комерцијалниот „удар“?

За вашиот курир, решавањето на исклучоците започнува со начин на размислување што вели: „Ќе го решиме овој проблем и ќе го испорачаме овој пакет денес“. Прашајте ја вашата курирска служба како нивните возачи се справуваат со ваквите пратки за кои има потешкотија при доставувањее. Што се обучени да прават? Дали само го фрлаат пакетот во задниот дел од возилото и продолжуваат понатаму со следните пратки или ги третираат исклучоците како „загатка за решавање“? Со какви алатки располагаат доставувачите?

Најмалку, технологијата на вашата курирска служба треба да вклучува алатки кои му овозможуваат на доставувачот да комуницира со диспечерската служба и директно со клиентот за да ги реши проблемите на веднаш, а од возачите треба да се очекува да ги користат тие алатки. Ова е неопходност, а не „nice to have“ момент.

3. Подгответе се за раст

Се обидувате да го развиете вашиот бизнис и ви треба поддршка од вашата курирска служба. Последното нешто што ви треба е да видите дека вашиот курир го ограничува волуменот за достава за време на шпицот на празничната сезона, но токму тоа се случи со многу компании за достава во последните две години.

Tреба да знаете однапред како вашата курирска служба ќе реагира на органскиот раст и за најзафатените периоди во сезоните. Прашајте ги како ќе се приспособат додека вашиот бизнис се приспособува и расте. Колку брзо би можеле да се приспособат на зголемениот интензитет на пратки за доставување? Дали ќе има доволно достапни доставувачи за време на најзафатените времиња во годината за онлајн купување, како што е зимската празнична сезона?

4. Комуницирајте како Gen Z

Една од клучните карактеристики на новата генерација потрошувачи е тоа што тие постојано комуницираат. Како продавач, треба да ја искористите таа динамика и да ја направите комуникацијата фокусна точка на искуството на купувачот.

Вашите купувачи очекуваат да слушнат од вас – од моментот на поднесување на нарачката до моментот кога ќе ја видат пратката на нивниот праг. Најдете компанија за достава која овозможува следење на пратко во реално време и можност за приспособување за вашиот бренд на пораките кои таа ги испраќа во врска со пратките.

Јасната и честа комуникација додава personal & human touch

Правилната комуникација во вистинско време може дури и да помогне да се ублажи потенцијалната штета на репутацијата од пропуштена испорака. Ова е точно за сите ваши клиенти, но особено важи за милениумските потрошувачи и Gen Z кои веројатно го сочинуваат најбрзо растечкиот сегмент од вашата база на онлајн купувачи.

5. Go green!

Со новата генерација потрошувачи, одржливоста е елемент кој го докажува квалитетот на еден бренд. Повеќето големи превозници реагираат со напори да ги променат своите возила во електрични, но за тоа им е потребно време.

Очигледно е дека возачот кој испорачува 50 пакети на пат од 15 киломери ќе создаде помали емисии на јаглерод по пакет од возачот кој патува исти 15 километри и испорачува 25 пакети

Возачот во мал автомобил или SUV ќе создаде помали емисии на јаглерод по километар од возачот во товарно комбе. А електричниот велосипед на кој има прикачена мала приколка ќе создадат помалку емисии од кој било автомобил, комбе или камион.

Клучот за одржлива испорака е технологијата што ги собира пакетите за да создаде најгусти можни рути за испорака што ги покриваат најкратките можни растојанија, а потоа се совпаѓа со возилото со вистинска големина за да се минимизираат емисиите за тоа специфично оптоварување на таа специфична локација.

Со следењето на горенаведените совети може да ви помогне да ги максимизирате позитивните страни за вашите клиенти,да овозможите брза испорака и да го олесните нивното купување онлајн.

Извор: Forbes

Post a comment

I accept the Privacy Policy