Afterwork сесии - Асоцијација за е-трговија на Македонија

Едукативни Е-commerce Meetup сесии

Брзиот раст на е-трговијата бара постојано надградување и учење на новите алатки и трендови со цел бизнисите да ги искористат можностите и да го развијат својот бизнис. Со цел зајакнување на дигиталните вештини и зголемување на конкурентноста на микро, малите и средните претпријатија, АЕТМ организира едукативни и networking E-commere Meetup сесии на теми кои се одлучуваат во зависност од потребите на членовите и актуелните трендови во е-трговијата.

#1 Ecommerce Afterwork: Извоз во е-трговија

Во декември, 2019 година во просториите на Фондот за иновации и технолошки развој ја одржавме првата сесија од серијалот „E-commerce Afterwork сесии”, на тема: „Со извоз до поголема конкуретност на е-трговците. Што треба да знаат сите потенцијални извозници во е-трговијата?”. На оваа сесија, присуствуаа и говореа помошник директорот на Сектор за царински систем, Златко Ветеровски, Офелија Бајо, началник на Одделение за царински и даночни постапки во Царинската управа, Марина Антова, Продажен супервизор во DHL Express Macedonia, Ѓино Шкријељ, генерален директор на Фалкон Логистик и Драги Цветковски, маркетинг директор во Македонска Пошта АД Скопје. Дел од сесијата беа стотина претставници од најразлични компании за е-трговија, кои ги извезуваат или сакаат да ги извезуваат своите производи. На сесијата се разви конструктивна дискусија на која присутните ги образложија проблемите со кои се соочуваат: скапите административни и царински процедури, бавната испорака на производите со релативно големи трошоци, непостоењето на број за следење на пратките кај дел од поштите и нереспонсивност кај дел од поштите на барањата на клиентите.

#2 Ecommerce Afterwork: Имплементација на онлајн плаќање

Во февруари, 2020 година во просториите на Фондот за иновации и технолошки развој се одржа втората сесија од серијалот „E-commerce Afterwork сесии”, на тема: „Имплементација и предизвици при онлајн плаќање”, организирана од страна на АЕТМ. Сесијата беше наменета за сите постоечки и потенцијални е-трговци, а беше организирана со поддршка на Фондот за иновации и технолошки развој. Целта на оваа сесија беше да се согледаат сите можности поврзани со онлајн плаќање кои ги нудат банките, како и нивните актуелни новости во областа на е-трговијата.

На сесијата, меѓу другото, детално беше објаснет целосниот процес на онлајн плаќање, вклучително и начините за зголемената безбедност и сигурност при онлајн плаќање, со цел заштита и на е-купувачите, и на е-трговците. Присуствуваа повеќе од 100 учесници кои будно ги следеа сите информации презентирани од говорниците. Говорници на панел дискусијата, пак, беа Тина Петкоска од Халкбанк АД Скопје, Вељан Поповски од НЛБ Банка АД Скопје, Стефан Пепоски од Стопанска банка АД Скопје, Филомена Пљаковска Аспровска од процесорот КАСИС и Игор Величковски од Народната банка. Во втората половина од сесијата, Бранислав Марковски од Фондот за Иновации и Технолошки Развој го презентираше активниот повик „Стартапувај 2” наменет за ко-финансирани грантови за новоосновани трговски друштва „старт-ап“ и „спин-оф“.

#3 Ecommerce Afterwork: ГДПР во е-трговијата

За подобро разбирање на новата регулатива за заштита на лични податоци – ГДПР (GDPR – General Data Protection Regulation), обезбедување на навремена стручна подготовка и подигање на квалитетот на примена на Законот за заштитата на личните податоци од страна на е-трговците, АЕТМ ја организираше третата Afterwork сесија во јули 2021 година, на тема: “Да зборуваме за ГДПР во е-трговијата”.

За време на настанот, Игор Кузевски кој е експерт во областа на заштита на личните податоци одржа предавање преку кое на присутните им помогна да се запознаат со ГДПР, како и со измените во регулативата за заштита на личните податоци и чекорите што треба да се преземат од аспект на имплементација. По информативното предавање следеше интерактивна дискусија помеѓу присутните членови и предавачот која дополнително придонесе за информирање на членовите околу важноста на ГДПР и заштитата на личните податоци во целост.

#5 E-commerce Meetup: "E-commerce & AI: New Best Friends"

„E-commerce & AI: New Best Friends“ беше meetup и networking настан кој собра над 60 учесници од #eCommerceMK заедницата. Во рамки на еден час, панел дискусијата ја отвори темата за вештачката интелигенција, нејзиниот неограничен потенцијал и начинот на кој може да им обезбеди конкурентна предност на бизнисите во е-трговијата – од раст и заштеда на трошоци, до отворање на нови можности во дигиталниот пазар.

Панелисти беа: Христијан Ѓорески – Вонреден Професор на ФЕИТ и Раководител на оддел за Вештачка Интелигенција во Емтек Лабс, Англија, Игор Трајковски – Основач на Time.mk и поранешен професор на ФИНКИ, и Горјан Радевски – Доктор на науки по Машинско учење, KU Leuven. Панелот го модерираше Мери Шешо, COO во Monks.Agency.

#6 E-commerce Meetup: "Ефективен маркетинг за е-трговија: како со малку да направиш многу?"

„Маркетинг во е-трговија: Како со малку да направиш многу?“ беше meetup и networking настан кој собра над 150 учесници во новоотворениот @innoxcenter. Панел дискусијата обедини пет врвни експерти од домашната е-трговија – Дарјан Раденковиќ (Founder @ Kompa.mk, CEO @ Zhar Ptiza), Кирил Роглев (CEO & Co-Founder @ Bellina), Александра Бела Белчева (Co-founder @ Urma), Драган Јосифовски (CEO @ Paket.mk) и Емилија Ланговска (Marketing Manager & Visual Designer @ Преплет).

Тие споделија практични совети и „tips & tricks“ за тоа како со минимални ресурси може да се максимизираат маркетинг напорите во е-трговијата. Настанот изобилуваше со динамична размена на идеи, инспиративни примери и корисни стратегии.

#7 E-commerce Meetup: Содржина што продава: тајните на успешните контент креатори

„Што значи да креираш содржина што навистина има ефект?“ беше првиот E-commerce Meetup за 2025 година, powered by Ananas.mk, кој пред повеќе од 200 присутни ја отвори темата за креирање содржина што не само што привлекува внимание, туку и инспирира, гради доверба и носи продажба. На панелот говореа четворица врвни креатори: Марија Мешкова (Founder | Coach | Content Creator @ zenfluentmaria), Никола Соколов (Основач и CEO @ Influencers Club), Гордан Миленковски (CEO & Content Creator @ sakash.mk) и Бранко Огњановски (познат како „Господин Цар за рилови и кратки видеа“), а дискусијата ја модерираше Марко Ивановски (Performance & Growth @ Ananas.mk) и генералниот секретар на АЕТМ, Виктор Стојкоски.

Преку споделени искуства и конкретни совети, говорниците открија како да се создава содржина што ја задржува публиката, како да се гради емоционална врска со неа и како креативноста може директно да влијае врз бизнис резултатите. Посебен дел од настанот беше интерактивната Q&A сесија, во која учесниците поставуваа прашања и добиваа практични одговори за предизвиците со кои секојдневно се соочуваат.

Едукативни Е-commerce Meetup сесии

#1 Ecommerce Afterwork: Извоз во е-трговија

#2 Ecommerce Afterwork: Имплементација на онлајн плаќање

#3 Ecommerce Afterwork: ГДПР во е-трговијата

#5 E-commerce Meetup: "E-commerce & AI: New Best Friends"

#6 E-commerce Meetup: "Ефективен маркетинг за е-трговија: како со малку да направиш многу?"

#7 E-commerce Meetup: Содржина што продава: тајните на успешните контент креатори

Бидете информирани

Newsletter signup

Thank you for sign up!

Начини на плаќање