Е-трговијата претрпува драстична промена поради владините препораки за останување дома и привремено затворање на некои од бизнисите. Не само што потрошувачите купуваат сѐ повеќе преку интернет, туку и нивното однесување при онлајн шопингот значително се менува. Иако е јасно дека за време на моменталната пандемија со корона вирус, потрошувачите купуваат изобилство од тоалетна хартија, конзервирана храна и други предмети за домаќинството, тие го опремуваат својот дом и со безброј останати производи.
Ја разгледуваме анализата за продажбата во е-трговија направена од Stackline за март 2019 и 2020. Еве што можеме да заклучиме:
- Побарувачката за производи за фитнес за дома значително расте поради затварањето на студијата за вежбање. Токму поради ова, продажбата на спортски торбици и многу категории поврзани со надворешни спортови опаѓа.
- Многу компании имаат имплементирано работа од дома, што води кон пораст на побарувачката за монитори, тастатури, глувчиња и канцелариски столчиња со цел создавање на привремена домашна канцеларија.
- Повеќето патувања се одложени или откажани, што предизвикува опаѓање во категориите со багаж, чанти и камери. Поради откажување на многу пролетни одмори, пад претрпеа и категориите како сандали и костуми за капење.
- Категориите за формална облека како свадбената исто така претрпуваат опаѓање, бидејќи многу парови се принудени да ги откажат или одложат своите свадби.
Десетте најбрзо растечки категории се:
- Ракавици за една употреба +670%
- Апарати за правење леб +652%
- Лекови за настинка +535%
- Супи +397%
- Oриз и останати житарки +386%
- Конзервирана храна +377%
- Спакувано овошје +326%
- Тегови за вежбање +307%
- Млеко +279%
- Средства за миење на садови +275%
Десетте најбрзо опаѓачки категории се:
- Багаж -77%
- Чанти -77%
- Камери -64%
- Машки костими за капење -64%
- Невестинска облека -63%
- Машка формална облека -62%
- Женски костими за капење -59%
- Облека за спортови на отворено -59%
- Чевли за спорт -59%
- Спортски торбици -59%
Погледнете го инфографикот и разгледајте ги статистичките податоци за првите сто најбрзо растечки и опаѓачки категории во е-трговијата.
Извор: Stackline
