Лошото корисничко искуство на е-продавниците води до висок процент на напуштени кошнички. Гемификацијата, процесот на примена на принципите на играта во онлајн продавниците за да се поттикне учеството, може да ја зголеми конверзијата и лојалноста на клиентите. Ecommerce News разговара со Claspo за корисни начини за имплементација на овие pop-ups.
Гeмификацијата е популарен метод меѓу маркетплејс платформите и е-продавниците. Вклучува примена на принципите на игра во активности кои не се поврзани со игра, како на пример што се предизвици, награди или компетитивни елементи кај е-продавниците. Сите овие тактики се со цел за поттикнување на поголем „ангажман“, учество и лојалност кај купувачите.
Користење на гемификација за подобрување на корисничкото искуство
Истражување во 2024 покажало дека околу 70.2% од сите онлајн кошнички биле напуштени. Најмногу од тие напуштања на кошнички биле предизвикани од лошо корисничко искуство на одредена е-продавница. Гемификацијата може да се користи за да им помогне на купувачите да навигираат наоколу е-продавницата, подобрувајќи го корисничкото искуство.
Сепак, треба да се земе предвид дека во некои случаеви, гејмификацијата може да се категоризира како „подол начин” со кој се манипулираат купувачите да прават импулсивни купувања или да дадат повеќе свои податоци. Европската комисија веќе започна постапка против Тему минатата година, бидејќи истражуваше дизајни на платформата што предизвикуваат зависност.
Игрите на AliExpress
Во моментов на апликацијата има 7 игри под “Play & Earn” страницата:
Play-to-earn економија
Постојат две главни валути кои се составен дел од портфолиото на игри на AliExpress:
- Поени од игри: Овие поени може да се добијат преку игрите, или пак преку „мисии“ кои ги задава апликацијата во делот на ‘Play & Earn’. Потоа тие може да се заменат за купони за попуст при купување на апликацијата.
- Парички: Пошироко користена валута на AliExpress што може да се добие и потроши без никаква интеракција со игри. Купувачите може да добиваат парички преку игрите, но исто тка и со купување на производи или пак завршување на одредени „задачи“ на апликацијата, како што е прегледување на листа од спонзорирани производи. Секоја паричка има ефективна вредност од 0,01 долари
Гемификацијата на Starbucks
Кога станува збор за наведување на купувачите да ја користат нивната апликација, Starbucks е буквално clear winner. Преку Starbucks Rewards, членовите добиваат бесплатни пијалоци и пецива. Гејмификацијата им помага на корисниците да достигнат повисоки нивоа на награди и да се здобијат со ѕвезди (поени) за нивните купувања. Купувачите се здобиваат со ѕвезди за секое купување, а апликацијата користи техники на гејмификација за да ги охрабри корисниците да собираат ѕвезди и да постигнат повисоки нивоа на награди. Елементот на освојување на награда или нивоа поттикнува повторно купување. Ако сте заработиле 50 ѕвезди, имате опција помеѓу два подароци во вредност од 25 ѕвезди секој или една награда во вредност од 50 ѕвезди. Исто така, имате и опција да продолжите со собирање на ѕвезди за да добиете поголема награда.
На родендените на купувачите, тие добиваат посебна награда од Starbucks, што додава елемент на персонализација, изненадување и задоволство од искуството со апликацијата.
Понекогаш, Starbucks преку апликацијата ќе сподели дневен предизвик или ќе додели дополнителни ѕвездички преку тоа што ќе ги охрабри корисниците да дојдат да пробаат нешто ново од менито, или пак да дојдат надвор од „шпиц“ период во денот.
Temu: претворање на шопинг во игра
Тemu интегрира гејмификација низ целата своја апликација, одржувајќи ги корисниците анимирани со интерактивни предизвици, дневни награди и стимулации базирани на препораки. Купувачите можат да заработат кредити или бесплатни производи со завршување на мали задачи, како што се поканување пријатели, вртење тркало или дневно отворање на апликацијата. Постојаниот прилив на остварливи цели ги охрабрува купувачите често да се враќаат, зголемувајќи го и задржувањето и вкупното трошење.
Simplicity is key
Според Claspo, компанија која им помага на е-трговци да креираат различни widgets и pop-ups, simplicity is key. Посетителите треба веднаш да знаат што се очекува од нив и што ќе добијат за возврат од интеракцијата. Дополнително, важно е за сите pop-ups и други елементи на гејмификација да бидат персонализирани за купувачот.
„За среќа, годините поминати во тестирање и евалуација на нивните резултати ни имаат помогнато да воспоставиме најдобри практики за тоа кога треба да се појави одреден widget или pop-up. Постојат тригери базирани на однесувањето на корисниците и нивниот customer journey со што можеме да се осигураме дека одреден pop-up се појавува во оптималниот момент за да ги ангажира посетителите на една е-продавница кои најверојатно ќе направат одредено купување, велат од Claspo.
Triggers базирани на однесување на посетителите на една е-продавница
Ова се неколку tips & tricks од Claspo за е-трговците кои сакаат да воведат pop-ups со цел да ја зголемат конверзијата:
- Време – Ангажирајте ги корисниците по одредено поминато време на е-продавницата: по поминати 30 секунди, или пак по 2 поминати минути без никаква активност.
- Активација при скролање – активирајте pop-ups по 50% искролана е-продавница и прикажете криз за препорака на одреден производ. Или на 75% прикажете гребка со награда, или награда во било каква форма ако се претплатат на вашиот newsletter.
- Согледајте кога некој посетител сака да ја напушти страната – во таков случај, прикажете им last-minute offer, на пример, кога еден корисник ќе го помести курсорот кон затворање на продавницата или ќе се упатат кон навигирање на adress bar-от.
- Акција – одговорете на специфични интеракции на корисниците, како на пример по кликнување на одредено копче или поставување на курсорот над одреден елемент
Користење на времето поминато на една е-продавница за зголемување на стапките на конверзија
Claspo велат дека е важно да се прави разлика помеѓу фазите во кои се наоѓа посетителот и видовите на pop-ups што треба да се искористат во секоја од тие фази. Постои фаза на подигнување на свеста, каде што онлајн продавниците можат да имплементираат нежни, информативни pop-ups за посетителите кои за прв пат се запознаваат со нивниот бренд.
„Е-трговците можат да користат ограничено време за одредена понуда како алатка со цел да создадат чувство на итност“
„После тоа доаѓа фазата на разгледување, каде што можете да понудите стимулации како попусти или ексклузивни понуди за да ги поттикнете неодлучните корисници кон конверзија. На крајот, тука е фазата на донесување одлуки. Онлајн трговците на мало можат да користат временски осетливи понуди за да создадат итност за оние кои се блиску до купување.”
По фазата на кревање на свест доаѓа consideration фазата или фаза на размислување, каде што можете да ги стимулирате посетителите на вашата е-продавница со попусти или ексклузивни понуди за да ги поттикнете неодлучните корисници кон конверзија. На крајот доаѓа фаза за донесување одлуки. Е-трговците можат да користат временски осетливи понуди за да создадат итност за оние посетители на една е-продавница кои се блиску до купување.
Сепак, посетителите, секако, можат да се заморат и од соочувањето со постојани pop-ups на веб-страницата. Поради тоа, еве уште неколку tips & tricks од Claspo кои можат да ви помогнат помогнат да се избегне заморот од pop-ups помеѓу купувачите:
- Одвојте време помеѓу скокачните прозорци за да спречите преоптоварување кај вашите корисници и прекинување. Ако посетителот при влегување на вашата е-продавница веќе добил pop-up за добредојде, не прикажувајте друг pop-up најмалку во следните 30 секунди.
- Ограничете ја фреквенцијата на скокачки прозорци за да одржите позитивно искуство помеѓу купувачите. Може да биде максимум еден прозорец по страница, или еден од корисник во зависност од сесијата
- Тестирање и оптимизирање на точките на активирање за различни сегменти на корисници. Прикажувајте различни pop-ups за нови посетители наспроти купувачи кои постојано се враќаат или ангажирани корисници наспроти оние што ќе си заминат.
Персонализација за зголемување на ангажманот на купувачите
Користењето на претходни кориснички податоци, како што е историјата на прелистувачот, колачињата или минати купувања, исто така може да ги направи вашите pop-ups порелевантни. Персонализираните пораки ги прават скокачките прозорци да се чувствуваат корисни наместо наметливи од страна на купувачите.
Извор: E-commerce News
