Во 2024, иновациите во маркетингот напредуваат со голема брзина, а вештачката интелигенција e водечки фактор. Од помагање во ефикасното создавање на содржина до предвидување на реакциите на купувачите, вештачката интелигенција игра клучна улога.
Истовремено, постепеното укинување на колачињата – кои биле основен дел од дигиталниот маркетинг – значи дека маркетерите се соочуваат со многу измени и мораат да се адаптираат за да бидат во тек со сите новости и промени.
Овие промени се поттикнати од потребата за искреност и автентичност. На пример, брендовите се фокусираат на микро-инфлуенсери, наместо на мега-инфлуенсери , за да ги направат своите производи привлечни и да ги доближат до својата таргет група на потрошувачи. Ова им овозможува да се обидат да ги засилат врските со помала, но посветена публика, со потенцијал за поголем ангажман и лојалност
Generative AI: Олеснително создавање на содржина во 2024 година
И покрај широкото познавање за можностите на вештачката интелигенција (AI), сè уште сме на почетокот на нејзината имплементација во маркетингот. Повеќе професионалци преминуваат од експериментирање со вештачка интелигенција кон нејзино користење како алатка за основни маркетинг функции, за да им ослободат време на луѓето да се фокусираат на високо-стратешките аспекти кои ВИ не може да ги обработи.
Сепак, користењето на ВИ не гарантира успех. Иако е трансформативна технологија, за максимално да се искористат нејзините предности се потребни одредени вештини и знаење за да може да се процени кога постои простор да се користи, а кога задачите треба да се делегираат на луѓето.
Ако се имплементира правилно, генеративната AI може значително да го оптимизира процесот на генерирање на идеи и креирање на повторлива содржина. Со генеративната AI, маркетерите и креативците се ослободени од монотоните, повторувачки задачи, овозможувајќи им да се фокусираат на подобрите, поинтересни работи кои придонесуваат за разбивање на монотонијата и поразличен content. Правилното користење на оваа технологија има огромен потенцијал да им овозможи на луѓето да креираат значително подобра, персонализирана содржина таму каде што е најважно.
Маркетинг тренд во 2024 година: Редуцирање на Third-party cookies
Со најавата за редуцирање на Third-party cookies – основа за онлајн анализирање и следење, оваа година, прецизноста и точноста на податоците за корисниците кои ги овозможуваат колачињата ќе се редуцираат. Прашањето е следно: како ќе се мери атрибуцијата и како ќе се таргетираат купувачите?
Очигледно, ќе видиме иновации во алтернативни технологии за проследување кои собираат информации без да зависат од традиционалните методи базирани на колачиња. Контекстуалното таргетирањето ќе се усовршува, обезбедувајќи релевантна содржина врз основа на актуелните активности и интереси на корисникот, наместо на неговото минато инетрнет ,,сурфање’’.
90% од потрошувачите се загрижени за тоа колку многу брендови собираат податоци, а приближно 50% од клиентите во Северна Америка кажуваат дека ќе го заменат својот прв избор (бренд) ако нивниот втор избор им нуди подобар privacy experience.
Ова се смета за ,,wake up call’’ во e-трговијата: Половина од вашите купувачите се подготвени да пристапат кон нов бренд доколку не ги заштитите и почитувате нивните податоци.
Големите онлајн платформи со значајни бази на корисници и нивните сопствени екосистеми, познати како “градини со ѕидови”, ќе добијат поголемо влијание. Платформи како Google, Facebook и Amazon располагаат со големи количества податоци и помалку се потпираат на колачиња од трета страна. Маркетерите може да почнат да ги распределуваат своите буџети повеќе на овие платформи за насочено рекламирање.
Маркетерите можат да се подготват за редуцирање на Third-party cookies со фокусирање на стратегија за управување со првични податоци кои им овозможуваат да развијат персонализиран пристап заснован на согласност.
Емотивниот маркетинг се појавува како врвен тренд
Со уште поголемиот предизвик за собирање на традиционални податоци за клиентите, важно е да се најде иновативен пристап за добивање на длабоко разбирање за чувствата и емоциите на луѓето. Внесувањето на концептот на емотивна интелигенција и напредните технологии за предвидување на реакциите и емоциите на купувачите станува неопходност. Во текот на 2024 година, се забележува зголемен интерес и приспособување од страна на бројни брендови кон така наречениот “емотивен маркетинг”.
Дигиталните кампањи кои се повикуваат на емоции од страна на корисниците, се докажуваат како четирипати поефективни кампањи од аспект на креирањето и зајакнувањето на брендот, во споредба со тие кои не му даваат значење на овој аспект.
Иако емотивниот маркетинг е познат концепт, потребни се подобри методи за негово предвидување и мерење.
Истражувачкиот тим на Масачусетскиот технолошки институт (MIT) развил модел за имитирање на способноста на човекот да ги предвиди емоциите на другите, додека истражувачите на пазарот во компанијата BrandThro развиле единствени податоци што вклучуваат прецизно емоционално бодување. Тие се од примарно значење за предвидување на влијанието на различните брендови врз чувствата и емоциите на клиентите.
Овој тренд отвора нови перспективи и можности за маркетерите да пристапат кон напредни методи за анализирање на емоциите и ставовите на клиентите.
Во 2024 година, ,,Creators marketing’’ концептот го зазема централното место на дигиталната сцена
Ова претставува суптилна промена во споредба со стандардниот начин на работа на брендовите со инфлуенсери, преминувајќи кон influencing маркетинг 2.0, кој се претставува како еволуцијата што најверојатно требаше да се случи од самиот почеток: потполно транспарентни, подобри содржини и развивање на долгорочни односи помеѓу луѓетои брендовите.
Според истражувањето на Influencer Marketing Hub, 82% од брендовите имаат одвоен буџет за маркетинг со инфлуенсери, при што 80% од нив преферираат да соработуваат со мали креатори (Микро инфлуенсери) , кои имаат помалку од 100.000 следбеници, но сето тоа ќе делува органски бидејќи се очекува тие да бидат поблиски до нивната потенцијална таргет група.
Како што го нарекуваме овој маркетинг тренд од 2024 година – IM 2.0, претставува промена во подходот од користење на познати личности и големи инфлуенсери кон нешто посуптилно. Микро-инфлуенсерите, кои располагаат со специфични вештини и експертиза, претставуваат значаен дел од овој нов пристап. Иако можеби не се мега-популарни, нивната автентичност и квалитет на содржината често е супериорен на брендовите што се обидуваат да ги ангажираат.
Голем дел од микро-инфлуенсерите не се толку влијателни колку што се препознатливи по квалитетот на содржината. Тие имаат активна и посветена публика, и често нудат значителна вредност на своите следбеници.
Маркетинг стратегиите стремат кон видео подкасти: Новата реалност во дигиталната ера
YouTube е преплавен со видео подкасти, а со најавениот пад на Google Podcasts во април 2024 година, сè се пренесува на YouTube. Класичните канали за подкасти никогаш не биле изразителни при помагање на публиката да открие нова содржина, но YouTube секогаш изнајдува адекватен начин да ја промовира пласираната содржина.
Формат преференции на публиката: 32% од Американците сакаат да гледаат видео подкасти а секој трети вели дека YouTube е нивната омилена платформа.
Иако ова не значи крај на аудио подкастите – самата YouTube платформа слободно признава дека подкастингот е претежно аудио формат – тоа е тренд на зголемување, кој за некои маркетери претставува совршена можност за диференцирање.
Формула за маркетингот во 2024 година: Луѓе + машини = подобри искуства
Извори:
What is emotional intelligence: The case for EQ in business
